കൊച്ചി: നാളെ മുതൽ ആറുവരെ ഭൂമി തരം മാറ്റവുമായി ബന്ധപ്പെട്ട അന്വേഷണങ്ങൾ ഉണ്ടായിരിക്കുന്നതല്ലെന്നും 7 മുതൽ എല്ലാ ദിവസവും അന്വേഷണ കൗണ്ടർ പ്രവർത്തിക്കുന്നതായിരിക്കുമെന്നും റവന്യു ഡിവിഷണൽ ഓഫീസ് സീനിയർ സൂപ്രണ്ട് അറിയിച്ചു. നിലവിൽ കൊച്ചി താലൂക്ക് പരിധിയിലെ അപേക്ഷകൾ മാത്രമാണ് ഫോർട്ട് കൊച്ചി റവന്യു ഡിവിഷണൽ ഓഫീസിൽ പരിഗണിക്കുന്നത്. പുതിയ സർക്കാർ ഉത്തരവ് പ്രകാരം ജില്ലയിൽ റവന്യു ഡിവിഷണൽ ഓഫീസറെ കൂടാതെ ഡെപ്യൂട്ടി കളക്ടർ പദവിയിൽ താഴെയല്ലാത്ത ഉദ്യോഗസ്ഥരെ കൂടി നിയമിച്ച് താലൂക്ക് തലത്തിൽ ഭൂമിതരം മാറ്റം അപേക്ഷകളിൽ അതിവേഗം തീർപ്പാക്കാനും നടപടി സ്വീകരിച്ചിട്ടുണ്ട്.