കൊച്ചി: കേരള സ്റ്റേറ്റ് ഗവ. ആയുർവേദ മെഡിക്കൽ ഓഫീസേഴ്‌സ് അസോസിയേഷൻ (കെ.എസ്.ജി.എ.എം.ഒ.എ ) 39-ാം സംസ്ഥാന സമ്മേളനത്തിന്റെ സ്വാഗതസംഘ രൂപീകരണ യോഗം ടി.ജെ. വിനോദ് എം.എൽ.എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ ലോഗോ പ്രകാശനം ചെയ്തു. അസോസിയേഷൻ സംസ്ഥാന പ്രസിഡന്റ് ആർ. കൃഷ്ണകുമാർ അദ്ധ്യക്ഷത വഹിച്ചു. സംസ്ഥാന സമ്മേളനം ഒക്ടോബർ രണ്ടാം വാരം എറണാകുളത്ത് നടക്കും. ഡോ. തോമസ് ജിബിൻ ചെയർമാനും ഡോ. വി. . സെബി ജനറൽ കൺവീനറും ഡോ. മോനിഷ കൺവീനറായും സ്വാഗത സംഘം രൂപീകരിച്ചു.