കട്ടപ്പന: ബാർ കോഴ വിഷയത്തിൽ മന്ത്രി എം.ബി. രാജേഷിന്റെ രാജി ആവശ്യപ്പെട്ട് യൂത്ത് കോൺഗ്രസ് ഇടുക്കി അസംബ്ലി കമ്മറ്റിയുടെ നേതൃത്വത്തിൽ കട്ടപ്പനയിൽ പന്തംകൊളുത്തി പ്രകടനം നടത്തി. രാജീവ് ഭവനിൽ നിന്ന് ആരംഭിച്ച പ്രകടനം ഗുരുമന്ദിരത്തിന് സമീപം സമാപിച്ചു. യൂത്ത് കോൺഗ്രസ് മുൻ സംസ്ഥാന കമ്മറ്റി അംഗം പ്രശാന്ത് രാജു പ്രകടനം ഉദ്ഘാടനം ചെയ്തു. യൂത്ത് കോൺഗ്രസ് നേതാക്കളായ ആൽബിൻ മണ്ണഞ്ചേരിയിൽ, അലൻ എസ്. പുലിക്കുന്നേൽ, സിബി മാത്യു, ജോർജ് ജോസഫ്, സൂര്യ സി.എസ്, അരവിന്ദ് പി.വി എന്നിവർ നേതൃത്വം നൽകി.