ഇടുക്കി: കേരള വന ഗവേഷണ കേന്ദ്രം സ്‌കൂൾ വിദ്യാർത്ഥികളിൽ നിന്നും 'ഇലക്ട്രിക് പാഴ് വസ്തുക്കൾ ' എന്ന വിഷയത്തിൽ ലേഖനം, കാർട്ടൂൺ എന്നീ മത്സരം നടത്തും. അഞ്ഞൂറ് വാക്കിൽ കവിയാതെ മലയാളത്തിലെഴുതിയ ലേഖനവും കാർട്ടൂണുമാണ് പരിഗണിക്കുക. 6 മുതൽ 8 വരെയുള്ള ക്ലാസ്സുകളിലെ വിദ്യാർത്ഥികൾക്കായാണ് മത്സരം. തിരഞ്ഞെടുക്കപ്പെടുന്ന സൃഷ്ടികൾ പുസ്തകരൂപത്തിൽ പ്രസിദ്ധീകരിക്കും. പ്രാധാന അധ്യാപകന്റെ സാക്ഷ്യപത്രത്തോടൊപ്പം സൃഷ്ടികൾ സ്‌കാൻ ചെയ്ത് ഇ മെയിലായി അയക്കണം.അയക്കേണ്ട വിലാസം training@kfri.org. അവസാന തീയതി 20 വൈകീട്ട് 5.30. വൈകി ലഭിക്കുന്ന സൃഷ്ടികൾ സ്വീകരിക്കുന്നതല്ല. കൂടുതൽ വിവരങ്ങൾക്ക്: 0487269010