കട്ടപ്പന :അപകടഭീക്ഷണി ഉയർത്തി നിന്നിരുന്ന
മരച്ചില്ലകൾ മുറിച്ചു മാറ്റി.അടിമാലി- കുമളി ദേശീയപാതയുടെ ഭാഗമായ കട്ടപ്പന ഇടുക്കി കവലയിലാണ്ഗവ. ട്രൈബൽ ഹയർ സെക്കൻഡറി സ്‌കൂളിന് സമീപം നിരവധി വാക മരങ്ങൾ അപകട ഭീക്ഷണി ഉയർത്തി നിന്നിരുന്നത്. മഴക്കാലത്ത് മരത്തിന്റെ ശിഖരങ്ങൾ ഒടിഞ്ഞുവീഴുന്നത് പതിവാണ്. കഴിഞ്ഞമാസവും മരച്ചില്ല ഒടിഞ്ഞു വീണിരുന്നു.തുടർന്ന് മരങ്ങൾ ഉയർത്തുന്ന ഭീഷണി കേരള കൗമുദി അധികാരികളുടെ മുന്നിലെത്തിച്ചു. അപകട ഭീക്ഷണി ഉയർത്തുന്ന മരച്ചില്ലകൾ മുറിച്ചുമാറ്റണമെന്ന ജില്ലാ കളക്ടറുടെ നിർദ്ദേശത്തെതുടർന്ന് കട്ടപ്പന നഗര സഭയാണ് മഴക്കാലപൂർവ്വ ശുചീകരണത്തിന്റെ ഭാഗമായി നടപടി സ്വീകരിച്ചത്.
പൊലീസ്,ഫയർഫോഴ്സ്, കെഎസ്ഇബി എന്നീ വകുപ്പുകളുടെ സഹകരണത്തോടെയാണ് മരങ്ങളുടെ ചില്ലകൾ മുറിച്ചു നീക്കിയത്. സ്‌കൂളിന് സമീപത്തായി നിൽക്കുന്ന മരങ്ങളുടെ ചില്ലകളാണ് മുറിച്ചത്. ദേശീയപാതയോയോട് ചേർന്ന് വെറേയും മരങ്ങൾ നിലകൊള്ളുന്നുണ്ട്. ഇവ മുറിച്ചുമാറ്റേണ്ട ഉത്തരവാദിത്വം ഹൈവേ അതോറിറ്റിക്കാണ്.അപകട ഭീക്ഷണി ഉയർത്തുന്ന മരങ്ങളുടെ ചില്ലകൾ കൂടി മുറിച്ചു നീക്കാനുള്ള നടപടി സ്വീകരിക്കണമെന്ന് ദേശീയ ഹൈവേ അതോറിറ്റിയോട് ആവശ്യപ്പെട്ടിട്ടുണ്ടെന്ന് നഗരസഭ അധികൃതർ വ്യക്തമാക്കി.