ഇടുക്കി: ഫിഷറീസ് വകുപ്പ് മത്സ്യത്തൊഴിലാളികളുടെ മക്കൾക്ക് സൗജന്യ മെഡിക്കൽ എൻട്രൻസ് , സിവിൽ സർവ്വീസ്, ഐ.ഐ.ടി /എൻ.ഐ.ടി എൻട്രൻസ് പരിശീലനത്തിന് ധനസഹായം നൽകുന്നു. മത്സ്യത്തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്തിട്ടുള്ളവരുടെ മക്കൾക്കാണ് അപേക്ഷിക്കാനുള്ള അർഹത.

മെഡിക്കൽ എൻട്രൻസിന് ഒരു വർഷത്തെ കോച്ചിംഗിനുള്ള ധനസഹായമാണ് സർക്കാർ നൽകുക. ഹയർ സെക്കൻഡറി ,വൊക്കേഷണൽ ഹയർ സെക്കൻഡറി തലത്തിൽ ഫിസിക്‌സ് ,കെമിസ്ട്രി, ബിയോളജി വിഷയങ്ങൾക്ക് 85 ശതമാനം മാർക്കോടെ വിജയിച്ചതോ മുൻവർഷം നടത്തിയ നീറ്റ് പരീക്ഷയിൽ 41ശതമാനം മാർക്ക് ലഭിച്ചവരോ ആയ മത്സ്യത്തൊഴിലൊളി ക്ഷേമനിധി ബോർഡിൽ രജിസ്റ്റർ ചെയ്തിട്ടുള്ള മത്സ്യത്തൊഴിലാളികളുടെ മക്കൾക്ക് അപേക്ഷിക്കാവുന്നതാണ്.ബിരുദ തലത്തിൽ 60ശതമാനം മാർക്കോടെ വിജയിച്ചവർക്ക് സിവിൽ സർവീസ് പരീക്ഷ പരിശീലനത്തിന് അപേക്ഷിക്കാവുന്നതാണ്.ഐ.ഐ.ടി /എൻ.ഐ.ടി എൻട്രൻസ് പരിശീലനത്തിന് ധനസഹായം ലഭിക്കുന്നതിന് ഹയർ സെക്കൻഡറി വൊക്കേഷണൽ ഹയർ സെക്കൻഡറി തലത്തിൽ ഫിസിക്‌സ് ,കെമിസ്ട്രി, കണക്ക് വിഷയങ്ങൾക്ക് 85 ശതമാനം മാർക്കോ അതിനു മുകളിലോ നേടി വിജയിച്ചവർക്ക് അപേക്ഷിക്കാവുന്നതാണ്.

അപേക്ഷ ഫോറവും വിശദവിവരങ്ങളും ജില്ലാ ഫിഷറീസ് ഓഫീസിൽ ലഭ്യമാണ് . അപേക്ഷ 24 ന് മുമ്പായി ജില്ലാഫിഷറീസ് ഓഫീസിൽ ലഭ്യമാക്കേണ്ടതാണ് .