ഇടുക്കി: വില്ലേജിൽ ഉൾപ്പെടുന്ന ഡിജിറ്റൽ സർവ്വേ ബ്ലോക്ക് 01 മുതൽ 167 വരെ പ്രദേശങ്ങളിലെ ഡിജിറ്റൽ സർവേ, കേരള സർവേ, അതിരടയാളം എന്നിവ പൂർത്തിയായി. സർവേ രേഖകൾ entebhoomi.kerala.gov.in എന്ന പോർട്ടലിലും വഞ്ചിക്കവലയ്ക്ക് സമീപം പ്രവർത്തിക്കുന്ന ക്യാമ്പ് ഓഫീസിലും പരിശോധനയ്ക്ക് ലഭ്യമാണ്. ആക്ഷേപമുള്ളവർ 30 ദിവസങ്ങൾക്കകം എ.എൽ.സി ഫോറം 160ൽ നേരിട്ടോ എന്റെ ഭൂമി പോർട്ടൽ മുഖേന ഓൺലൈനായോ അപ്പീൽ നൽകണം. നിശ്ചിത ദിവസങ്ങൾക്കകം അപ്പീൽ സമർപ്പിക്കാത്തപക്ഷം റീസർവെ രേഖകളിൽ രേഖപ്പെടുത്തിയിട്ടുള്ള പേര് വിവരം, അതിരുകൾ, വിസ്തീർണ്ണം എന്നിവ കുറ്റമറ്റതായി പ്രഖ്യാപിച്ച് സർവേ അതിരടയാള നിയമം വകുപ്പ് (13) അനുസരിച്ചുള്ള ഫൈനൽ നോട്ടിഫിക്കേഷൻ പരസ്യപ്പെടുത്തി രേഖകൾ അന്തിമമാക്കും. സർവേ സമയത്ത് തർക്കം ഉന്നയിച്ച് സർവേ അതിരടയാള നിയമം വകുപ്പ് 10 ഉപവകുപ്പ് (2) പ്രകാരം തീരുമാനം അറിയിച്ചിട്ടുള്ള ഭൂഉടമസ്ഥർക്ക് ഈ അറിയിപ്പ് ബാധകമായിരിക്കില്ല.