പീരുമേട് : വള്ളക്കടവ് വഞ്ചിവയൽ ട്രൈബൽ സെറ്റിൽമെന്റിലേക്കുള്ള റോഡ് കോൺക്രീറ്റിങ്ങിനായി 3.26 കോടി രൂപ അനുവദിച്ചതായി വാഴൂർ സോമൻ എം.എൽ.എ അറിയിച്ചു. വഞ്ചി വയൽപ്രദേശത്ത ജനങ്ങളുടെ പതിറ്റാണ്ടുകളായിട്ടുള്ള ആവശ്യമാണ് നിറവേറാൻ പോകുന്നത്. 4.5 കിലോമീറ്റർ വരുന്ന റോഡ് കോൺക്രീറ്റിംഗിനാണ് തുക അനുവദിച്ചിരിക്കുന്നത്. വനം വകുപ്പിന്റെ ക്ലിയറൻസ് ലഭിച്ചതിന് ശേഷം ടെൻഡർ നടപടികൾ പൂർത്തിയാക്കാനാകുമെന്ന് എം.എൽ.എ അറിയിച്ചു. പൊതുമരാമത്ത് വകുപ്പിണ് റോഡിന്റെ നിർമ്മാണ ചുമതല നൽകിയിട്ടുള്ളത്. കഴിഞ്ഞവർഷം പട്ടികജാതി പട്ടികവർഗ്ഗ വികസന മന്ത്രി കെ. രാധാകൃഷ്ണൻ സത്രം സന്ദർശിക്കുമ്പോൾ വഞ്ചിവയൽ വികസനത്തിനായി തുക അനുവദിക്കാൻ നിവേദനം നൽകിയിരുന്നു. അന്നത്തെ ജില്ലാ വികസന ഓഫീസർ ആയിരുന്ന അർജുൻ പാണ്ഡ്യൻ സ്ഥലം സന്ദർശിച്ച് അനുകൂലമായ റിപ്പോർട്ട് നൽകിയിരുന്നു.. റോഡിന് തുക അനുവദിച്ച മന്ത്രി കെ. രാധാകൃഷ്ണന് വാഴൂർ സോമൻ എം.എൽ.എ പ്രത്യേകം നന്ദി അറിയിച്ചു.