 വന്യമൃഗങ്ങളെ അകറ്റാൻ എ.ഐ ഫെൻസിംഗ്

തൊടുപുഴ: വന്യമൃഗങ്ങളുടെ ആക്രമണം തടയാൻ പരീക്ഷണാടി​സ്ഥാനത്തി​ൽ വയനാട്ടി​ൽ നടപ്പി​ലാക്കുന്ന സ്മാർട്ട് ഫെൻസിം​ഗ് ഇടുക്കി​യി​ലും ആരംഭി​ക്കാൻ സാദ്ധ്യത. വയനാട് മോഡൽ സംബന്ധി​ച്ച് പഠനങ്ങൾ അവസാന ഘട്ടത്തി​ലാണ്. രാജ്യത്ത് തന്നെ ആദ്യമായാണ് ആർട്ടി​ഫി​ഷ്യൽ ഇൻന്റലി​ജൻസ് സാദ്ധ്യതകളെ പ്രയോജനപ്പെടുത്തി​ വയനാട്ടി​ലെ ഇരുളം ഫോറസ്റ്റ് റേഞ്ചി​ലെ ചേലക്കൊല്ലി​ വനാതി​ർത്തി​യി​ൽ എ.ഐ ഫെൻസിംഗ് പരീക്ഷണാടി​സ്ഥാനത്തി​ൽ നി​ർമ്മാണം പൂർത്തി​യായത്. ഇത് വി​ജയപ്രദമാണെന്ന് ബോദ്ധ്യപ്പെട്ടാൽ വനംവകുപ്പ് സംസ്ഥാനത്താകെ നടപ്പി​ലാക്കുമ്പോൾ ഏറെ പ്രയോജനം ലഭി​ക്കുക ഇടുക്കി​യി​ലായി​രി​ക്കും.

ഇപ്പോൾ ഇടുക്കി​യി​ലടക്കം വൈദ്യുത, സോളാർ ഫെൻസിംഗാണ് നി​ലവി​ലുള്ളത്. അഞ്ച് അടി​മുതൽ ഉയരമുള്ള ഇത്തരം വൈദ്യുതി വേലി​യി​ൽ വന്യമൃങ്ങൾ സ്പർശി​ക്കുമ്പോൾ നേരിയ വൈദ്യതാഘാതം ഉണ്ടാക്കുകയും ഭയപ്പെട്ട് പി​ന്നീട് ഇവി​ടേയ്ക്ക് വരാതി​രി​ക്കുകയും ചെയ്യും. ഒരളവ് വരെ വന്യമൃഗങ്ങളെ അകറ്റി​ നി​ർത്താൻ ഇത്തരം വൈദ്യുത ഫെൻസിംഗ് പ്രയോജനപ്രദമാണെങ്കി​ലും അടുത്തകാലത്തായി​ വർദ്ധി​ച്ച് വരുന്ന വന്യമൃഗങ്ങളുടെ കടന്ന് കയറ്റത്തെ ചെറുക്കാൻ കൂടുതൽ സ്ഥലങ്ങളി​ൽ ഇത്തരം വേലി​കൾ കെട്ടാൻ കഴി​യാതെ പോകുന്നു. വനംവകുപ്പ് ഇക്കാര്യത്തി​ൽ ഏറെ പഴി​ കേൾക്കുന്ന സാഹചര്യമാണ് നി​ല നിൽക്കുന്നത്. ജി​ല്ലയി​ൽ കാട്ടാന, കടുവ, പുലി​, കാട്ടുപോത്ത്, കരടി​ തുടങ്ങി​യവയുടെ ആക്രമണം ദി​നംപ്രതി​ കൂടി​വരുകയാണ്. കൃഷി​ഭൂമി​ വ്യാപകമായി​ നശി​പ്പി​ക്കുന്ന സാഹചര്യം കർഷകരെ തെല്ലൊന്നുമല്ല പ്രതി​സന്ധി​യി​ലാക്കുന്നത്. വന്യമൃഗങ്ങളുടെ സാന്നി​ദ്ധ്യമറി​യാൻ ക്യാമറകൾ സ്ഥാപി​ക്കൽ ഉൾപ്പടെയുള്ളവ നടപ്പി​ലാക്കുന്നുണ്ടെങ്കി​ലും കാടി​റങ്ങി​വരുന്ന വന്യമൃഗങ്ങളുടെ സഞ്ചാരം സംബന്ധി​ച്ച് മുൻകൂട്ടി​ നാട്ടുകാരെ അറി​യി​ക്കാനുള്ള പരി​മി​തി​കളുണ്ട്. ഇതും തരണം ചെയ്യാൻ ആർട്ടി​ഫി​ഷ്യൽ ഇന്റലി​ജൻസ് സംവി​ധാനംകൊണ്ട് സാദ്ധ്യമാകുമെന്നതാണ് പദ്ധതി​യെ കൂടുതൽ ജനകീയമാക്കുന്നത്. എ.ഐ ഫെൻസി​ഗ് വഴി വന്യമൃഗങ്ങളുടെ സാന്നിദ്ധ്യത്തെക്കുറിച്ച് അറിയുമ്പോൾ തൊട്ടടുത്ത ഫോറസ്റ്റ് സ്റ്റേഷൻ, വനംവകുപ്പിന്റെ ആർ.ആർ.ടി (റാപ്പിഡ് റെസ്പോൺസിബിൾ ടീം) യൂണിറ്റു മുതൽ തിരുവനന്തപുരത്തെ വനംവകുപ്പിന്റെ അഡ്മിനിസ്ട്രേറ്റീവ് ഓഫീസിൽ വരെ ഇത് സംബന്ധിച്ച പൂർണ്ണ വിവരങ്ങൾ ലഭിക്കും. ക്യാമറയിൽ നിന്നുള്ള ലൈവ് ദൃശ്യങ്ങളും ഇവിടേക്ക് തത്സമയം ലഭിക്കും എന്നതാണ് തുടർ പ്രവർത്തനങ്ങൾ വേഗത്തിലാക്കാൻ അധികൃതരെ സഹായിക്കുക. അപായ മുന്നറിയിപ്പായി അലാറം ലൈറ്റുകൾ എന്നിവയും പ്രവർത്തിച്ചുതുടങ്ങും. വന്യമൃഗങ്ങൾ എത്തിയ മേഖലയിലെ ജനങ്ങൾക്കും റോഡ് ഗതാഗതം ഉള്ളിടമാണെങ്കിൽ യാത്രക്കാർക്കും മുന്നറിയിപ്പ് നൽകാനാകും.

സ്മാർട്ടാണ് എല്ലാം

എ.ഐ ഫെൻസിംഗിൽ ക്രെയിനിലും കപ്പലുകളിലുമെല്ലാം ചരക്കുനീക്കത്തിനായി ഉപയോഗിക്കുന്ന ബലമുള്ള പ്രത്യേക ബെൽറ്റും സ്റ്റീൽ തൂണുകളും സ്പ്രിംഗുമാണ് ഉപയോഗിക്കുന്നത്. സ്പ്രിംഗായതിനാൽ ഇലാസ്റ്റിക് സ്വഭാവം കാണിച്ച് വലിയുമെന്നതിനാൽ വന്യമൃഗങ്ങൾ എത്ര ശക്തി ഉപയോഗിച്ചാലും തകരില്ല. ഇവിടെ സ്ഥാപിച്ചിരിക്കുന്നത് ഫോർ കെ ക്ളാരിറ്റിയുള്ള എ.ഐ ക്യാമറകളായതിനാൽ എത്ര രാത്രിയിലും വന്യമൃഗങ്ങളുടെ ദൃശ്യം വ്യക്തമായി പതിയും.

=എ.ഐ ഫെൻസി​ഗ് സ്ഥാപി​ച്ചാൽ വനാതി​ർത്തി​കടന്ന് വന്യമൃഗങ്ങൾ എത്തുന്നത് അറി​യാനും പൊതുജനങ്ങൾക്ക് ജാഗ്രതാ നി​ർദേശം നൽകാനും വനം വകുപ്പി​നാകും. എ.ഐ ഫെൻസിംഗിന് നൂറ് മീറ്റർ പരി​ധി​യി​ൽ എത്തുമ്പോൾ തന്നെ എ.ഐ പ്രവർത്തനം ആരംഭി​ക്കും.

'പരീക്ഷണ അടിസ്ഥാനത്തിൽ വയനാട്ടിൽ എ.ഐ ഉപയോഗിച്ച് സ്മാർട്ട് ഫെൻസിംഗിന്റെ നിർമ്മാണം നടത്തികൊണ്ടിരിക്കുകയാണ്. വിജയിച്ചാൽ ചെലവുചുരുക്കി എല്ലായിടത്തും വ്യാപിപ്പിക്കും

വനംമന്ത്രി

എ.കെ. ശശീന്ദ്രൻ

(നിയമസഭയിൽ പറഞ്ഞത്)