ഇടുക്കി: സ്റ്റേറ്റ് സർവ്വീസ് പെൻഷനേഴ്സ് അസോസിയേഷൻ ഇന്ന് പെൻഷൻ പരിഷ്‌കരണദിനമായി ആചരിക്കും. ഇടുക്കി താലൂക്ക് കമ്മറ്റിയുടെ ആഭിമുഖ്യത്തിൽ മുരിക്കാശ്ശേരി സബ്ട്രഷറിക്ക് മുന്നിൽ വിശദീകരണയോഗം സംഘടിപ്പിക്കും. പെൻഷൻ പരിഷ്‌കരണ നടപടികൾ ഉടൻ ആരംഭിക്കുക, അഞ്ച് ഗഡു കുടിശ്ശിക ക്ഷാമാശ്വാസം 19ശതമാനം അനുവദിക്കുക, പെൻഷൻ പരിഷ്‌ക്കരണ കുടിശ്ശിക ഉടൻ നൽകുക, ജീവാനന്ദം പദ്ധതി ഉപേക്ഷിക്കുക, മെഡിസെപ്പിലെ ന്യൂനതകൾ പരിഹരിക്കുക എന്നീ ആവശ്യങ്ങൾ ഉന്നയിച്ചാണ്
യോഗം നടത്തുന്നത്. മുരിക്കാശ്ശേരിയിൽ ഡി.സി.സി. ജനറൽ സെക്രട്ടറി ജെയ്സൺ കെ.ആന്റണി ഉദ്ഘാടനം ചെയ്യും. ശാസ്ത്രവേദി ജില്ലാ പ്രസിഡന്റ് സണ്ണി മാത്യു മുഖ്യപ്രഭാഷണം നടത്തും. കെ.എസ്.എസ്.പി.എ ജില്ലാ ട്രഷറർ റ്റി.എം.ജോയി,കോൺഗ്രസ് മണ്ഡലം പ്രസിഡന്റ് സാജു കാരക്കുന്നേൽ, മാത്യു വി.എം, കെ. കെ ശാന്തകുമാരി എന്നിവർ പ്രസംഗിക്കും.