തൊടുപുഴ:മണക്കാട് അയ്യൻകോയിക്കൽ ധർമ്മശാസ്താ ക്ഷേത്രത്തിലെ പുനരുദ്ധാരണ പ്രവർത്തനങ്ങളുടെ ഭാഗമായി ക്ഷേത്രത്തിൽ നിർമ്മാണം പൂർത്തീകരിച്ചിട്ടുള്ള വലിയ നടപ്പന്തലിന്റേയും വഴിപാട് കൗണ്ടറിന്റെയും സമർപ്പണ ചടങ്ങ് നടന്നു. പന്തളം രാജാവ് മൂലംനാൾ ശങ്കർ വർമ്മ രാജ ഭദ്രദീപം കൊളുത്തി ഉദ്ഘാടനം ചെയ്തു. പന്തളം രാജാവിന് ക്ഷേത്രപ്രവേശന കവാടത്തിൽ നിന്നും പൂത്താലങ്ങളുടെയും, താളമേളങ്ങളുടെയും അകമ്പടിയോടെ പൂർണ്ണകുംഭം നൽകിയാണ് സ്വീകരണം നടത്തിയത്. ക്ഷേത്രം പ്രസിഡന്റ് വി.ആർ.പങ്കജാക്ഷൻ നായർ സെക്രട്ടറി അനിൽ.ജെ, ട്രഷറർ സാജൻ.എസ്, കോ.ഓർഡിനേറ്റർ പി.എൻ.രാധാകൃഷ്ണൻ, വൈസ്.പ്രസിഡന്റ് ഭാരതിയമ്മ, കമ്മറ്റിയംഗങ്ങളായ ഓമന.ബി, ഷീല ആനക്കല്ലുങ്കൽ എന്നിവർ പ്രസംഗിച്ചു.