പാനൂർ:പി.ആർ.മെമ്മോറിയൽ കൊളവല്ലൂർ ഹയർ സെക്കൻഡറി സ്‌കൂളിൽ ആരോഗ്യപ്രദവും വിഷരഹിതവുമായ പഴയകാല ഭക്ഷണശീലം കുട്ടികൾക്ക് പരിചയപ്പെടുത്തുന്നതിന് ചക്ക മഹോത്സവം സംഘടിപ്പിച്ചു. കട്ട്ലറ്റ്, കേക്ക്,ഹൽവ, പായസം, വറുത്തത്, പൊരിച്ചത്, പുഴുക്ക്, മിക്സ്ചർ ,ചേണി പൊരിച്ചത്, പുഡ്ഡിംഗ്,വട, ചക്കക്കുരു ഉണ്ട, പൊരിച്ചത് എന്നിവ ചക്ക മഹോത്സവത്തിന് പൊലിവേകി. കുന്നോത്ത് പറമ്പ് പ്രാഥമികാരോഗ്യ കേന്ദ്രം ഹെൽത്ത് ഇൻസ്‌പെക്ടർ ടി.സുരേന്ദ്രൻ ഉദ്ഘാടനം ചെയ്തു.പി.ടി.എ പ്രസിഡന്റ് സമീർ പറമ്പത്ത്, ഹെഡ് മാസ്റ്റർ കെ.ഷജിൽകുമാർ, കെ.ഐ.കൃഷ്ണ മുരളി,പ്രശാന്ത് ,കെ ടി രാഗേഷ് തുടങ്ങിയവർ സംസാരിച്ചു. ഹൈസ്കൂൾ ക്ലാസുകൾക്കായി വെവ്വേറെയാണ് മത്സരം നടത്തിയത്.