തലശ്ശേരി: കോടിയേരി ബാലകൃഷ്ണൻ സ്മാരക ഗവ. ആർട്സ് കോളേജിൽ പുതിയ കോഴ്സുകൾ അനുവദിക്കുന്നതുമായി ബന്ധപ്പെട്ടു സ്പീക്കർ ചേമ്പറിൽ വിളിച്ചു ചേർത്ത ചർച്ചയിൽ പുതിയ കോഴ്സുകൾ തുടങ്ങുന്ന കാര്യം അനുഭാവപൂർവം പരിഗണിക്കുന്നുവെന്ന് ഉന്നത വിദ്ധ്യാഭ്യാസമന്ത്രി ആർ.ബിന്ദു ഉറപ്പു നൽകി. ചർച്ചയിൽ ഉന്നതവിദ്യാഭ്യാസ വകുപ്പുമന്ത്രിയുടെ പ്രൈവറ്റ് സെക്രട്ടറി ഷാനവാസ്, സ്പീക്കറുടെ പ്രൈവറ്റ് സെക്രട്ടറി ടി. മനോഹരൻ നായർ, അഡീഷണൽ പ്രൈവറ്റ് സെക്രട്ടറി അർജുൻ എസ്. കുമാർ, ഉന്നതവിദ്യാഭ്യാസ വകുപ്പ് സെക്രട്ടറി ഇഷിത റോയ്, ഉന്നതവിദ്യാഭ്യാസ വകുപ്പുമന്ത്രിയുടെ അസിസ്റ്റന്റ് പ്രൈവറ്റ് സെക്രട്ടറി അയ്യപ്പൻ കോഹിനൂർ, കോളേജ് പ്രിൻസിപ്പൽ ഡോ. ഹെന്ന, ചൊക്ലി പഞ്ചായത്ത് വൈസ് പ്രസിഡന്റ് എം.ഒ.ചന്ദ്രൻ, കോളേജ് പി.ടി.എ. വൈസ് പ്രസിഡന്റ് വൈ.എം.അനിൽകുമാർ, സെക്രട്ടറി പ്രേമൻ എന്നിവരും പങ്കെടുത്തു.

ജനകീയ കൂട്ടായ്മയിൽ പണം സ്വരൂപിച്ചു വാങ്ങിയ സ്ഥലത്ത്, കിഫ്ബിയുടെ പങ്കാളിത്തത്തോടെ ഹോസ്റ്റൽ ബ്ലോക്ക്, കാന്റീൻ ബ്ലോക്ക് എന്നിവയുടെ കെട്ടിട നിർമ്മാണം പുരോഗമിച്ചുകൊണ്ടിരിക്കുകയാണ്.