കോഴിക്കോട്: ബലക്ഷയം കണ്ടെത്തിയിട്ടും അധികൃതർ അനങ്ങാപ്പാറ നയം തുടരുമ്പോൾ കെ.എസ്.ആർ.ടി.സി ബസ്ടെർമിനലിനെ അപകടാവസ്ഥയിലാക്കി ചോർച്ചയും. ചെ​റി​യ മ​ഴ പെ​യ്താ​ൽ പോ​ലും കെ​ട്ടി​ട​ത്തി​ന്റെ പ​ല ഭാ​ഗ​ങ്ങ​ളും ചോ​ർ​ന്നൊ​ലി​ക്കു​കയാണ്. യാത്രക്കാ‌ർ ബസ് കാത്ത് നിൽക്കുന്ന ഭാഗങ്ങളിലെ തൂണുകളുടെ മുകൾ വശമാണ് ചോർന്നൊലിക്കുന്നത്. കെട്ടിക്കിടക്കുന്ന ചെളിവെള്ളത്തിൽ ചവിട്ടി വേണം ബസ് കയറാൻ. ബസ് കിട്ടാനുള്ള ഓട്ടപ്പാച്ചിലിനിടയിൽ യാത്രക്കാർ വെള്ളത്തിൽ തെന്നി വീഴുന്നതും പതിവ്. ബസ് ടെർമിനലിന്റെ പല ഭാഗങ്ങളിലുള്ള സീ​ലിംഗ് അ​ട​ർ​ന്നു​വീ​ഴുന്നതും യാത്രക്കാരെ ഭീതിയിലാഴ്ത്തുന്നു. ഡി​പ്പോ ഓ​ഫീസ് കെ​ട്ടി​ട​ത്തി​ലെ ചോ​ർ​ച്ച കാ​ര​ണം ശു​ചി​മു​റി​ക​ൾ പോലും ഉ​പ​യോ​ഗി​ക്കാ​നാ​കാ​ത്ത സ്ഥിതിയുമുണ്ട്. ഓരോ ദിവസം കഴിയുംതോറും തൂണുകളടക്കമുള്ള കെട്ടിടത്തിന്റെ എല്ലാഭാഗത്തും കേടുപാടുകൾ കൂടി വരികയാണ്. നി​ർ​മാ​ണ​ത്തി​ലെ അ​പാ​ക​ത​യാ​ണ് ഇ​തി​ന് കാ​ര​ണ​മെ​ന്നാണ് ജീ​വ​ന​ക്കാ​ർ പറയുന്നത്.

@ കാറ്റും വെളിച്ചവുമില്ല

പട്ടാപ്പകൽ പോലും കൂരിരുട്ടിലാണ് ടെർമിനൽ. ആവശ്യത്തിന് കാറ്റും വെളിച്ചവും
ഇരിക്കാൻ ഇരിപ്പിടങ്ങളും ഇവിടെയില്ല. നിറുത്താനും തിരിച്ചിറക്കാനും ആവശ്യത്തിന് സ്ഥലമില്ലാത്തതിനാൽ ബസുകൾ ടെർമിനലിലെ തൂണുകൾക്കിടയിൽ പെടുന്നതും പതിവാണ്. ഓരോ ദിവസവും കേടുപാടുകളുമായി കെ.എസ്.ആർ.ടി.സി വർക് ഷോപ്പിലെത്തുന്നത് നിരവധി ബസുകളാണ്.

@ ബലക്ഷയം കണ്ടെത്തിയിട്ടും നടപടിയില്ല

കെ​ട്ടി​ട​ത്തി​ന്റെ ചോ​ർ​ച്ചയും ബലക്ഷയവും കണ്ടെത്തിയിട്ടും പരിഹരിക്കാനുള്ള നടപടികളൊന്നും ഇനിയുമുണ്ടായിട്ടില്ല. പ്രശ്നം ഉടൻ പരിഹരിക്കണമെന്ന് ഐ.​ഐ.​ടി നിർദ്ദേശിച്ചിരുന്നെങ്കിലും ഇപ്പോഴും യാതൊരു സുരക്ഷയുമില്ലാതെയാണ് ആളുകൾ ബസ് കയറാനെത്തുന്നത്. 67 കോ​ടി രൂപ മു​ട​ക്കി​യാ​ണ് കെ.​ടി.​ഡി.​എ​ഫ്.​സി കെ​ട്ടി​ട സ​മു​ച്ച​യം നി​ർ​മി​ച്ച​ത്. നി​ർ​മാ​ണ​ത്തി​ൽ അ​പാ​ക​ത​യു​ള്ള​താ​യി തു​ട​ക്കം മു​ത​ൽ ആ​രോ​പ​ണ​മു​യ​ർ​ന്നി​രു​ന്നു. ടെർമിനലിന് ബലക്ഷയമുണ്ടെന്ന് വിജിലൻസ് ഉൾപ്പെടെ കണ്ടെത്തിയിട്ടും തുടർ പ്രവർത്തനങ്ങൾ ഒന്നും തന്നെ ഉണ്ടായിട്ടില്ല. ഇ​തി​നി​ടെ, കെ​ട്ടി​ടം ആ​ലി​ഫ് ബി​ൽ​ഡേ​ഴ്സി​ന് 30 വ​ർ​ഷ​ത്തേ​ക്ക് തു​ച്ഛ​മാ​യ വാ​ട​ക നി​ശ്ച​യി​ച്ച് പാ​ട്ട​ത്തി​ന് ന​ൽ​കി. ഇ​തി​നു പി​ന്നാ​ലെ കെ​ട്ടി​ട​ത്തി​ന്റെ 90 ശതമാനം തൂണുകളും അപകടത്തിലാണെന്നുള്ള മ​ദ്രാ​സ് ഐ.​ഐ.​ടി സം​ഘ​ത്തി​ന്റെ റി​പ്പോ​ർ​ട്ടും പു​റ​ത്തു​വ​ന്നു. ബ​ല​പ്പെ​ടു​ത്ത​ലി​ന് 35 കോ​ടി ചെ​ല​വാ​കു​മെ​ന്നും വി​ദ​ഗ്ധ സം​ഘം നി​ർ​ദേ​ശി​ച്ചു. എന്നാൽ ഈ റിപ്പോർട്ടിന്റെ ഭാഗമായി സർക്കാർ സമിതി മൂന്നുവട്ടം ഐ.ഐ.ടി വിധഗ്ദ്ധരുമായി ചർച്ച നടത്തിയെങ്കിലും ഫലമൊന്നുമുണ്ടായില്ല. ബ​ല​പ്പെ​ടു​ത്തി​യ​ശേ​ഷം മാ​ത്ര​മേ കെ.​ടി.​ഡി.​എ​ഫ്.​സി.യി​ൽ​നി​ന്ന് കെ​ട്ടി​ടം ഏ​റ്റെ​ടു​ക്കൂ​വെ​ന്നാ​ണ് ആ​ലി​ഫ് ബി​ൽ​ഡേ​ഴ്സി​ന്റെ നി​ല​പാ​ട്. വി​ഷ​യം ഹൈ​ക്കോ​ട​തി​യു​ടെ പ​രി​ഗ​ണ​ന​യി​ലാ​ണ്.

''എപ്പോഴാണ് കെട്ടിടം ഇടിഞ്ഞ് തലയിൽ വീഴുക എന്നറിയില്ല.കെട്ടിടം വീണാലേ നടപടി ഉണ്ടാകൂ എന്നാണോ? മഴ പെയ്താൽ ഇവിടെ എവിടെയും നിൽക്കാൻ പറ്റില്ല, ആകെ ഇരുട്ടാണ്. ശ്വാസം കിട്ടാൻ തന്നെ പ്രയാസം''

രാഘവൻ, യാത്രക്കാരൻ