കൊയിലാണ്ടി: നഗരസഭ വാർഷിക പദ്ധതിയുടെ ഭാഗമായി ഭിന്നശേഷി വിഭാഗത്തിൽ സൈഡ് വീൽ ഘടിപ്പിച്ച സ്കൂട്ടർ വിതരണം മുനിസിപ്പൽ ചെയർപേഴ്സൺ സുധ കിഴക്കേപ്പാട്ട് ഉദ്ഘാടനം ചെയ്തു. ക്ഷേമ കാര്യ സ്റ്റാൻഡിംഗ് കമ്മിറ്റി ചെയർമാൻ കെ.ഷിജു അദ്ധ്യക്ഷത വഹിച്ചു .പദ്ധതി വിശദീകരണം നിർവഹണ ഉദ്യോഗസ്ഥ ഐ.സി.ഡി.എസ് സൂപ്പർവൈസർ സബിത സി നിർവഹിച്ചു. കൗൺസലർമാരായ എ.ലളിത, സി.സുധ, സി.ബബിത, ഹെൽത്ത് ഇൻസ്പെക്ടർ പ്രദീപ് , രമേശ്ചന്ദ്രൻ എന്നിവർ പ്രസംഗിച്ചു. വികസന സ്റ്റാൻഡിംഗ് കമ്മിറ്റി ചെയർപേഴ്സൺ ഇന്ദിര സ്വാഗതവും ഐ.സി.ഡി.എസ് സൂപ്പർവൈസർ വീണ എസ് നന്ദിയും പറഞ്ഞു. കൊയിലാണ്ടി നഗരസഭ ഭിന്നശേഷി സൗഹൃദമാവുന്നതിന്റെ ഭാഗമായാണ് സ്കൂട്ടർ വിതരണം നടന്നത്.