കോഴിക്കോട്: താലൂക്ക് ലീഗൽ സർവീസസ് കമ്മിറ്റിയുടെ നേതൃത്വത്തിൽ നടക്കാവ് ഗവ. ഹയർ സെക്കൻഡറി സ്ക്കൂളിൽ ലഹരി വിരുദ്ധ ബോധവത്ക്കരണ ക്ലാസ് നടന്നു. കോഴിക്കോട് ജില്ലാ കോടതി മൂന്നാം അഡീഷണൽ ഡിസ്ട്രിക്റ്റ് ആൻഡ് സെഷൻസ് ജഡ്ജ് ആർ.മധു ഉദ്ഘാടനം ചെയ്തു. സ്കൂൾ പ്രിൻസിപ്പൽ ഗിരീഷ് അദ്ധ്യക്ഷത വഹി ച്ചു . കോഴിക്കോട് എക്സൈസ് പ്രിവന്റീവ് ഓഫീസർ ഗ്രേഡ് (എക്സൈസ് സർക്കിൾ ഓഫീസ്) എൻ ജലാലുദ്ദീൻ, സീനിയർ മീഡിയേറ്റർ അഡ്വ.വി.പി രാധാകൃഷ്ണൻ എന്നിവർ ക്ലാസെടുത്തു. പാരാലീഗൽ വോളണ്ടിയർമാരായ പ്രേമൻ പറന്നാട്ടിൽ, സലീം വട്ടക്കിണർ എന്നിവർ പങ്കെടുത്തു. കോഴിക്കോട് താലൂക്ക് ലീഗൽ സർവീസ് കമ്മിറ്റി സെക്രട്ടറി പ്രദീപ് ഗോപിനാഥ് സ്വാഗതവും സ്കൂൾ സൗഹൃദ കോ ഓർഡിനേറ്റർ ഗീതാനായർ നന്ദിയും പറഞ്ഞു.