വൈക്കം: ബ്രഹ്മമംഗലം മാധവൻ ആൻഡ് ആർട്ടിസ്റ്റ് ചന്ദ്രൻ സ്മാരക ട്രസ്റ്റിന്റെ അവാർഡ് സമർപ്പണവും വാർഷിക സമ്മേളനവും അനുസ്മരണവും ഇന്ന് നടക്കും. മലയാള സാഹിത്യ നിരൂപകൻ പ്രൊഫ. എം.കെ.സാനുവിനാണ് ട്രസ്റ്റിന്റെ പ്രഥമ അവാർഡ്. ഉച്ചകഴിഞ്ഞ് മൂന്നിന് ബ്രഹ്മമംഗലം വൊക്കേഷണൽ ഹയർ സെക്കൻഡറി സ്‌കൂൾ ഓഡിറ്റോറിയത്തിൽ നടക്കുന്ന സമ്മേളനം ഉദ്ഘാടനവും അവാർഡ് സമർപ്പണവും സി.കെ ആശ എം.എൽ.എ നിർവഹിക്കും. ട്സ്റ്റ് പ്രസഡന്റ് ജി.എസ്.മോഹനൻ അധ്യക്ഷത വഹിക്കുന്ന സമ്മേളനത്തിൽ എം.കെ.സാനു പുരസ്‌കാരം ഏറ്റുവാങ്ങും. സാഹിത്യപ്റവർത്തക സഹകരണ സംഘം പ്രസിഡന്റ് അഡ്വ. പി.ക. ഹരികുമാർ അനുസ്മരണ പ്രഭാഷണം നടത്തും. നാസ സിറ്റിസൺ സയിന്റിസ്റ്റ് മാസ്റ്റർ ശ്രേയസ് ഗിരീഷിനെ ചെമ്പ് ഗ്രാമപഞ്ചായത്ത് പ്രസഡന്റ് സുകന്യ സുകുമാരൻ അനുമോദിക്കും.