കുമരകം: ശ്രീനാരായണ ജയന്തി പബ്ലിക് ബോട്ട് റേസ് ക്ലബ്ബിന്റെ ആഭിമുഖ്യത്തിൽ ചതയദിനത്തിൽ കോട്ടത്തോട്ടിൽ ആഗസ്റ്റ് 20ന് സംഘടിപ്പിക്കുന്ന 121-ാം കുമരകം മത്സരവള്ളംകളിയ്ക്ക് 25 ലക്ഷത്തിന്റെ ബഡ്‌ജറ്റ് വാർഷിക പൊതുയോഗം അംഗീകരിച്ചു. ശ്രീനാരായണ ഗുരുദേവൻ 1903ൽ കുമരകം ഗ്രാമം സന്ദർശിച്ചതിന്റെ ഓർമ്മ പുതുക്കുന്നതിനായി ഒരു നൂറ്റാണ്ടിലേറെയായി മത്സര വള്ളംകളി നടത്തിവരുന്നു. ക്ലബ്ബ് പ്രസിഡന്റ് വി.എസ് സുഗേഷിന്റെ അദ്ധ്യക്ഷതയിൽ ചേർന്ന പൊതുയോഗത്തിൽ ജനറൽ സെക്രട്ടറി പി.എസ് രഘു കണക്കും റിപ്പോർട്ടും അവതരിപ്പിച്ചു. ക്ലബ്ബിന്റെ പുതിയ ഭാരവാഹികളായി വി.എസ് സുഗേഷ് (പ്രസിഡന്റ്‌ ), സാൽവിൻ കൊടിയന്തറ, പുഷ്കരൻ കുന്നത്തുചിറ, പി.കെ മനോഹരൻ (വൈസ് പ്രസിഡന്റുമാർ ), എസ്.ഡി പ്രേംജി (ജനറൽ സെക്രട്ടറി), വി.എൻ കലാധരൻ (ഓഫീസ് സെക്രട്ടറി ), എം.കെ വാസവൻ (ട്രഷറർ), പി.എ സുരേഷ്, കെ.ജി ബിനു (ഒാഡിറ്റ് കമ്മറ്റി അംഗങ്ങൾ) ഉൾപ്പെടെ 51 അംഗ കമ്മറ്റിയെ തിരഞ്ഞെടുത്തു. പി.എസ് രഘു സ്വാഗതവും, എസ്.ഡി പ്രേംജി നന്ദിയും പറഞ്ഞു.