ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ വിവാഹ പൂർവ കൗൺസലിംഗ് കോഴ്‌സിന്റെ 76ാമത് ബാച്ച് മതുമൂല എസ്.എൻ.ഡി.പിയോഗം യൂണിയൻ മന്ദിര ഹാളിൽ നടന്നു. യൂണിയൻ പ്രസിഡന്റ് ഗിരീഷ് കോനാട്ട് കോഴ്‌സ് ഉദ്ഘാടനം ചെയ്തു. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിച്ചു. യൂണിയൻ വൈസ് പ്രസിഡന്റ് പി.എം ചന്ദ്രൻ മുഖ്യ പ്രസംഗവും ബോർഡ് മെമ്പർ എൻ.നടേശൻ ആശംസയും പറഞ്ഞു. യൂണിയൻ കൗൺസിലർ പി.അജയകുമാർ സ്വാഗതവും ജോയിന്റ് കോ ഓർഡിനേറ്റർ രമേശ് ഗുരുകുലം നന്ദിയും പറഞ്ഞു. തുടർന്ന് വിവിധ വിഷയങ്ങളിൽ ഗ്രെയ്‌സ് ലാൽ, രാജേഷ് പൊന്മല, സുരേഷ് പരമേശ്വരൻ, ഡോ.ശരത്ചന്ദ്രൻ, സജീവ് പൂവത്ത് എന്നിവർ ക്ലാസുകൾ നയിച്ചു.