തലയോലപ്പറമ്പ്: വൈക്കം മുഹമ്മദ് ബഷീർ സ്മാരക സമിതി ഏർപ്പെടുത്തിയിട്ടുള്ള ബഷീർ ബാല്യകാലസഖി പുരസ്‌കാരത്തിന് എഴുത്തുകാരനും പ്രഭാഷകനുമായ ഡോ. എം.എൻ. കാരശ്ശേരിയും ബഷീർ അമ്മ മലയാളം സാഹിത്യ കൂട്ടായ്മയുടെ ബഷീർ അമ്മ മലയാളം പുരസ്‌കാരത്തിന് എഴുത്തുകാരിയും മാധ്യമപ്രവർത്തകയുമായ കെ.എ.ബീനയും അർഹരായി. ഡോ.എം.എം.ബഷീർ ചെയർമാനും കിളിരൂർ രാധാകൃഷ്ണൻ കൺവീനറും
ഡോ. പ്രമോദ് പയ്യന്നൂർ, ഡോ.എം.എ. റഹ്മാൻ,ഡോ. പോൾ മണലിൽ, സരിത മോഹനൻ ഭാമ, അനീസ് ബഷീർ, ഡോ. യു ഷംല , ഡോ:എസ്. ലാലി മോൾ എന്നിവർ അടങ്ങുന്ന ജൂറിയാണ് പുരസ്‌കാര ജേതാക്കളെ തിരഞ്ഞെടുത്തത്.
30 മത് ബഷീർദിനമായ ജൂലായ് 5ന് രാവിലെ 10ന് തലയോലപ്പറമ്പ് ഫെഡറൽ നിലയത്തിൽ നടക്കുന്ന ചടങ്ങിൽ മുൻമന്ത്രിയും എഴുത്തുകാരനുമായ മുല്ലക്കര രത്‌നകരൻ 10001 രൂപ ക്യാഷ് അവാർഡും പ്രത്യേകം തയ്യറാക്കിയ മെമെന്റോയും പ്രശസ്തിപത്രവും നൽകി പുരസ്‌കാര ജേതാക്കളെ ആദരിക്കുമെന്ന് സമിതി ജനറൽ സെക്രട്ടറി പി.ജി. ഷാജിമോൻ,വൈസ് ചെയർമാൻ മോഹൻ.ഡി.ബാബു, ട്രഷറർ ഡോ. യു .ഷംല , ബഷീർ അമ്മ മലയാളം ചെയർപേഴ്‌സൺ ഡോ. എസ്. ലാലിമോൾ എന്നിവർ അറിയിച്ചു.