കോട്ടയം: സ്‌റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തിലുള്ള എസ്.ആർ.സി കമ്മ്യൂണിറ്റി കോളേജ് യോഗാ അസോസിയേഷൻ ഓഫ് കേരളയുടെ സഹകരണത്തോടെ നടത്തുന്ന ജൂലായ് സെക്ഷനിലെ ഡിപ്ലോമ ഇൻ യോഗ ടീച്ചർ ട്രെയിനിംഗ് കോഴ്‌സിലേക്ക് അപേക്ഷ ക്ഷണിച്ചു. പ്ലസ് ടു അഥവാ തത്തുല്യ യോഗ്യത വേണം.18 വയസ് പൂർത്തിയാകണം. ഉയർന്ന പ്രായപരിധിയില്ല. ജില്ലയിലെ പഠനകേന്ദ്രങ്ങൾ നാഗമ്പടം ജില്ലാ സ്‌പോർട്‌സ് കൗൺസിൽ ഇൻഡോർ സ്‌റ്റേഡിയം, പാലാ മൂന്നാനി അക്കാഡമി ഓഫ് യോഗിക് സയൻസ് ആന്റ് വെൽനെസ് സെന്റർ എന്നിവിടങ്ങളാണ്. അപേക്ഷ ഓൺലൈനായി httsp://app.srccc.in/register എന്ന ലിങ്കിലൂടെ സമർപ്പിക്കാം. ജില്ലയിലെ കോഴ്‌സ് കോഓർഡിനേറ്റർ മുഖേനയും അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി 30. വിശദവിവരങ്ങൾക്ക് ഡയറക്ടർ സ്റ്റേറ്റ് റിസോഴ്‌സ് സെന്റർ നന്ദാവനം വികാസ് ഭവൻ പി.ഒ തിരുവനന്തപുരം 33. വെബ്‌സൈറ്റ്: www.srccc.in. ഫോൺ: 9447208381, 04712325101, 8281114464.