കോട്ടയം : സംസ്ഥാന യുവജനക്ഷേമബോർഡ് ജില്ലാ യുവജനകേന്ദ്രം ജില്ലാ തല ശാസ്ത്ര ക്വിസ് മത്സരം സംഘടിപ്പിച്ചു. നീണ്ടൂർ എസ്.കെ.വി,ജി.എച്ച്.എസ്.എസിലെ എം.ഹരികൃഷ്ണൻ,അശ്വിൻ കൃഷ്ണ എന്നിവർ ഒന്നാം സ്ഥാനവും കടുത്തുരുത്തി ഗവ.വി.എച്ച്.എസ്.എസിലെ മറിയം ഇസബേൽ,ആൻഡ്രൂസ് ജോൺസ് ജിനീഷ് എന്നിവർ രണ്ടാം സ്ഥാനവും പനക്കച്ചിറ ജി.എച്ച്.എസിലെ അലീന ബിനു,റിയമോൾ റോയി എന്നിവർ മൂന്നാം സ്ഥാനവും നേടി. ഒന്നാം സ്ഥാനം നേടിയ ടീമിന് 10,000 രൂപയും രണ്ടാമതെത്തിയ ടീമിന് 5,000 രൂപയുമാണ് പ്രൈസ് മണി. ഒന്നാമതെത്തിയ ടീം സംസ്ഥാനതല മത്സരത്തിൽ പങ്കെടുക്കും. സമാപനസമ്മേളനം ജില്ലാ പഞ്ചായത്ത് പ്രസിഡന്റ് കെ.വി ബിന്ദു ഉദ്ഘാടനം ചെയ്തു. യുവജന ക്ഷേമബോർഡ് മെമ്പർ അഡ്വ.റോണി മാത്യു അദ്ധ്യക്ഷത വഹിച്ചു. ജില്ലാ യൂത്ത് കോർഡിനേറ്റർ കെ.രഞ്ജിത്ത് കുമാർ, ജില്ലാ പ്രോഗ്രാം ഓഫീസർ ബി.ഷിജു, ക്വിസ് മാസ്റ്റർ ചിൻസു.കെ എന്നിവർ പ്രസംഗിച്ചു.