കോട്ടയം: അയ്മനം പഞ്ചായത്തിലെ വനിതകൾക്ക് ഇനി ആരോഗ്യം കാക്കാൻ മറ്റെവിടെയും പോകേണ്ട.

പഞ്ചായത്ത് തന്നെ അതിനൊരു വഴി ഒരുക്കിയിട്ടുണ്ട്. വനിതാ ക്ഷേമ പദ്ധതിയിൽപെടുത്തി ആദ്യത്തെ വനിതാ ഫിറ്റ്‌നസ് സെന്റർ അഞ്ചാം വാർഡിൽ പ്രവർത്തനം ആരംഭിച്ചു. വട്ടക്കാടിന് സമീപമുള്ള കുടുംബശ്രീ എ.ഡി.എസ് ബിൽഡിംഗിലാണ് പ്രവർത്തനം. അഞ്ചാം വാർഡിൽ തന്നെ 5.15 കോടി രൂപ മുടക്കി ജിംനേഷ്യം ഉൾപ്പെടെയുള്ള ഇൻഡോർ സ്റ്റേഡിയം പണി തീർത്തിരുന്നു. ഉദ്ഘാടനം കഴിഞ്ഞിട്ടും പ്രവർത്തനം ആരംഭിക്കാത്ത സാഹചര്യം നിലനിൽക്കേയാണ് താത്കാലികാശ്വാസമായി പുതിയ ജിംനേഷ്യം തുടങ്ങിയത്.

സംവിധാനങ്ങൾ

1. മൾട്ടി ജിം 2. ട്രെഡ്മിൽ 3. സ്പിൻ ബൈക്ക്

രാവിലെയും വൈകുന്നേരവും വിവിധ ബാച്ചുകളിലായി 40 ഓളം വനിതകൾക്ക് സ്ഥിരമായി പരിശീലനം നൽകാനുള്ള സംവിധാനങ്ങൾ ഒരുക്കിയിട്ടുണ്ട്.

-ബിജു മാന്താറ്റിൽ,​ വാർഡ് മെമ്പർ