പൊൻകുന്നം : നിലനിൽപ്പിനായി പോരാടുന്ന സ്വകാര്യ ബസ് സർവീസുകൾ കാര്യക്ഷമമായെങ്കിലേ വരുമാന വർദ്ധനവും വിജയകരമായ നടത്തിപ്പുമുണ്ടാവൂ എന്ന് സ്വകാര്യബസ് ഓപ്പറേറ്റേഴ്‌സ് അസോസിയേഷൻ കാഞ്ഞിരപ്പള്ളി യൂണിറ്റ്. സ്വകാര്യബസ് സർവീസിനെ ജനങ്ങൾക്കിഷ്ടപ്പെടും വിധമാക്കാൻ 14 ഇന നിർദ്ദേശങ്ങളും ജീവനക്കാർക്ക് വിതരണം ചെയ്തു.

യാത്രക്കാരോട് സൗമ്യമായി പെരുമാറണം

സ്റ്റാൻഡുകളിൽ സമയത്തെച്ചൊല്ലി തർക്കവും സംഘർഷവും പാടില്ല

സ്റ്റാൻഡുകളിൽ ഗതാഗത തടസമുണ്ടാകാകെ പാർക്ക് ചെയ്യണം

ജീവനക്കാർ നിർബന്ധമായും യൂണിഫോം ധരിക്കണം

ആർ.സി, പൊല്യൂഷൻ സർട്ടിഫിക്കറ്റ്, ലൈസൻസ് കരുതണം

വാഹനം ഓടിക്കുമ്പോൾ മൊബൈൽ ഫോൺ ഉപയോഗിക്കരുത്

ട്രിപ്പുകൾ കട്ട് ചെയ്യരുത്, സ്റ്റോപ്പുകളിൽ ബസ് നിറുത്തണം

ബസിലെ മാലിന്യങ്ങൾ തൂത്തുവാരി സ്റ്റാൻഡിൽ തള്ളരുത്

മത്സരയോട്ടം വേണ്ട, സ്റ്റാൻഡിൽ ഗതാഗതക്കുരുക്കുണ്ടാക്കരുത്