എരുമേലി : എസ്.എൻ.ഡി.പി യോഗം എരുമേലി യൂണിയൻ സമാഹരിച്ച ചികിത്സാ സഹായനിധി ഒന്നാംഘട്ടമായി രണ്ടുലക്ഷം രൂപ വിതരണം ചെയ്തു. യൂണിയൻ ചെയർമാൻ കെ.പദ്മകുമാർ സഹായനിധി ചാത്തൻതറ ശാഖാ ഭാരവാഹികൾക്ക് കൈമാറി. അപകടത്തിൽ ഗുരുതരമായി പരിക്കേറ്റ് ചികിത്സയിൽ കഴിയുന്ന ചാത്തൻതറ ശാഖാ അംഗവുമായ കാഞ്ഞിരക്കാട്ടു വീട്ടിൽ കെ.എസ്.ഷിജോമോനാണ് സഹായം ലഭിച്ചത്. യൂണിയൻ കൺവീനർ പി.എസ് ബ്രഷ്‌നേവ്, ബോർഡ് മെമ്പർ എം.വി അജിത്കുമാർ, യൂണിയൻ കൗൺസിൽ അംഗങ്ങളായ സന്തോഷ് പാലമൂട്ടിൽ, കെ.കെ സുരേഷ്, സാബു നിരവേൽ, യൂത്ത് മൂവ്‌മെന്റ് യൂണിയൻ ചെയർമാൻ സി.എസ് ഉണ്ണികൃഷ്ണൻ, മുക്കൂട്ടുതറ ശാഖാ സെക്രട്ടറി ഇ.എസ് ഷെനോ, ചാത്തൻതറ ശാഖാ പ്രസിഡന്റ് പി.കെ സുകുമാരൻ, വൈസ് പ്രസിഡന്റ് ടി.ബി രാജേഷ്, സെക്രട്ടറി മധു എന്നിവർ പങ്കെടുത്തു.