കോട്ടയം : മുൻ വൈരാഗ്യത്തിന്റെ പേരിൽ വീട്ടിൽക്കയറി യുവാവിനെ ആക്രമിച്ച പുതുപ്പള്ളി തച്ചുക്കുന്ന് ഭാഗത്ത് കല്ലുപുരക്കൽ അനന്തു സുരേഷ് (23), വടവാതൂർ തേമ്പ്രവാൽക്കടവ് കനക വിലാസംമണി എന്ന് വിളിക്കുന്ന മണികണ്ഠൻ.കെ (33), പാമ്പാടി പത്താഴക്കുഴി പാറയ്ക്കൽ അമൽ പി.വി (30) എന്നിവരെ ഈസ്റ്റ് പൊലീസ് അറസ്റ്റ് ചെയ്തു. കഴിഞ്ഞദിവസം രാത്രി 11.30 ഓടെ പുതുപ്പള്ളി സ്വദേശിയായ യുവാവിനെയാണ് മർദ്ദിച്ചത്. കോട്ടയം ഈസ്റ്റ് സ്റ്റേഷൻ എസ്.എച്ച്.ഒ അനീഷ് ജോയ്, എസ്.ഐ നെൽസൺ സി.എസ്, സി.പി.ഒമാരായ പ്രതീഷ് രാജ്,യേശുദാസ്, അജേഷ്, അരുൺ,സെവിൻ എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.