വാസ്‌തുശാസ്ത്ര പ്രകാരം വീടിന്റെ പ്രധാനപ്പെട്ട ഭാഗങ്ങളിലൊന്നാണ് അടുക്കള. ഇതിന്റെ നിർമാണത്തിലുണ്ടാകുന്ന ദോഷങ്ങൾ നിങ്ങളുടെ ജീവിതത്തെ തന്നെ ബാധിക്കും. അതിനാൽ, വീടിന്റെ അടുക്കളയിൽ എന്തൊക്കെ കാര്യങ്ങൾ ശ്രദ്ധിക്കണം എന്ന് നോക്കാം.
വീടിന്റെ അടുക്കള എപ്പോഴും വൃത്തിയായി സൂക്ഷിക്കാൻ പ്രത്യേകം ശ്രദ്ധിക്കണം. ഒരു കുടുംബത്തിന്റെ മുഴുവൻ ആരോഗ്യത്തെയും ബാധിക്കുന്ന സ്ഥലമാണിത്.
പൊട്ടിയ പാത്രങ്ങൾ വീട്ടിൽ സൂക്ഷിക്കാൻ പാടില്ല. അങ്ങനെ ചെയ്താൽ വീട്ടിൽ നെഗറ്റീവ് ഊർജം വർദ്ധിക്കുന്നതാണ്.
ആഹാരമായാലും ഉപകരണങ്ങളായാലും കേടായാൽ അത് അടുക്കളയിൽ നിന്ന് മാറ്റണം.
വീടിന്റെ പ്രധാന വാതിലിന് നേരെ അടുക്കള വരാൻ പാടില്ല. ഇങ്ങനെ ചെയ്താൽ വീടുകളിൽ ലക്ഷ്‌മി ദേവിയുടെ സാന്നിദ്ധ്യം കുറയും. ഒരു മറ വച്ചാൽ ഈ പ്രശ്നത്തിന് പരിഹാരം കാണാൻ സാധിക്കുന്നതാണ്.
ആവശ്യത്തിലധികം കത്തി വീടുകളിൽ സൂക്ഷിക്കാൻ പാടില്ല. മാത്രമല്ല, ഉപയോഗം കഴിഞ്ഞ് കാണാത്ത വിധത്തിൽ വേണം കത്തി മാറ്റി വയ്‌ക്കാൻ.
എല്ലാവരെയും അടുക്കളയിലേക്ക് കയറ്റരുത്.
അടുക്കളയിൽ ജനൽ ഉണ്ടാകുന്നത് വളരെയധികം നല്ലതാണ്. പോസിറ്റീവ് ഊർജം നിറയ്‌ക്കാൻ ഇത് സഹായിക്കുന്നു.
കേടായ പഴങ്ങൾ അടുക്കളയിൽ വയ്‌ക്കാൻ പാടില്ല.
വൃത്തിയോടെ വേണം കുടുംബത്തിലെ ഓരോരുത്തരും അടുക്കളയിൽ കയറാൻ.
