രാജ്ഭവൻ (ഗോവ ) : സ്നേഹവും കരുണയും സാന്ത്വനവും പകരുന്നതാണ് പി എസ് ശ്രീധരൻപിള്ളയുടെ കഥകളെന്ന് തെലുങ്കാന ഗവർണർ സി പി രാധാകൃഷ്ണൻ പറഞ്ഞു. ഗോവ ഗവർണർ ശ്രീ. പി എസ് ശ്രീധരൻ പിള്ളയുടെ ' തത്ത വരാതിരിക്കില്ല' എന്ന കഥാസമാഹാരത്തിൻ്റെ തെലുങ്ക് പരിഭാഷ ' രാമച്ചിലുക' പ്രകാശനം ചെയ്തു സംസാരിക്കുകയായിരുന്നു അദ്ദേഹം.

ഹൈദരാബാദിൽ തെലങ്കാന രാജ്ഭവനിൽ നടന്ന പരിപാടിയിൽ പ്രമുഖ തെലുങ്ക് എഴുത്തുകാരൻ പത്മശ്രീ പ്രൊഫ. കോലാകലൂരി ഇനോക് ആദ്യപ്രതി ഏറ്റുവാങ്ങി. വിവർത്തകൻ എൽ ആർ സ്വാമി, കവി ശിവറെഡ്ഡി, മുൻ എംഎൽ എ . എൻ. രാമചന്ദർ ,ഡോ.രൂപ് കുമാർ ദാബിക്കർ, ഗുഡിപ്പട്ടി വെങ്കടേശ്വരലു എന്നിവർ സംസാരിച്ചു. ഗ്രന്ഥകർത്താവ് പി എസ് ശ്രീധരൻ പിള്ള പ്രതിസ്പന്ദം നടത്തി. പാലപിട്ട ബുക്സ് ആണ് രാമച്ചിലുകയുടെ പ്രസാധകർ