മല്ലപ്പള്ളി : കനത്തമഴയിൽ സംരക്ഷണ ഭിത്തിയും കൈവരിയും തകർന്നു. പെരുമ്പെട്ടി ജംഗ്ഷന് സമീപം പുതുക്കുടിമുക്ക് റോഡിലെ കലുങ്കിനാണ് നാശം സംഭവി​ച്ചത്. കരിങ്കൽ കൊണ്ട് നി​ർമ്മി​ച്ച സംരക്ഷണ ഭിത്തിയും കൈവരിയുമടക്കം കൈത്തോട്ടിൽ പതിച്ചു. കലുങ്കിന് മുകളിലെ സ്ലാബുകൾക്ക് തകർച്ചയുണ്ടോയെന്ന് മണ്ണ് നീക്കംചെയ്ത് പരിശോധിച്ചാൽ മാത്രമേ അറിയൂ. ഇവി​ടെ തോടി​ന് പന്ത്രണ്ടടിയിലേറെ താഴ്ചയുണ്ട് . അപായസൂചനയായി നാട്ടുകാർ നാടവലിച്ചു കെട്ടിയിരിക്കുകയാണ്. വെച്ചൂച്ചിറ , മഠത്തുചാൽ, ചാലാപ്പള്ളി, കോട്ടങ്ങൽ എന്നീ റോഡുകളെ ബന്ധിപ്പിക്കുന്ന പാതയാണി​ത്.