തിരുവല്ല: വെള്ളപ്പൊക്കത്തെ തുടർന്നുള്ള നാല് ദുരിതാശ്വാസ ക്യാമ്പുകൾ തുടരുന്നു. തിരുമൂലപുരം എസ്.എൻ.വി. സ്‌കൂൾ, പെരിങ്ങര സെന്റ്. ജോൺസ് ജി.എൽ.പി.എസ്, കുറ്റപ്പുഴ മുത്തൂർ ക്രൈസ്റ്റ് സെൻട്രൽ സ്‌കൂൾ, കവിയൂർ എടക്കാട് ജി.എൽ.പി.എസ് എന്നിവിടങ്ങളിലാണ് ക്യാമ്പ് . തിരുമൂലപുരം സെന്റ്. തോമസ് എച്ച്.എസ്.എസിലെ ക്യാമ്പ് ഇന്നലെ പ്രവർത്തനം അവസാനിപ്പിച്ചു.
നാല് ക്യാമ്പുകളിലായി 45 കുടുംബങ്ങളിലെ 168 പേരാണുള്ളത്. ഇതിൽ 60 വയസ് കഴിഞ്ഞ 30 പേരുണ്ട്. 46 കുട്ടികളും. തിരുമൂലപുരം എസ്.എൻ.വി. സ്‌കൂളിലാണ് കൂടുതൽ പേരുള്ളത്. 26 കുടുംബങ്ങളിലെ 95 പേർ ഇവിടുണ്ട്. കവിയൂർ എടക്കാട് ജി.എൽ.പി.എസിൽ ആറ് കുടുംബങ്ങളിലെ 17 പേരും പെരിങ്ങര സെന്റ്. ജോൺസ് ജി.എൽ.പി.എസിൽ ഒൻപത് കുടുംബങ്ങളിൽ നിന്നുള്ള 31 പേരുമാണുള്ളത്. മുത്തൂർ ക്രൈസ്റ്റ് സെൻട്രൽ സ്‌കൂളിൽ നാല് കുടുംബത്തിലെ 25 പേരുണ്ട്.