തിരുവല്ല: കുടുംബകോടതി തിരുവല്ല റവന്യൂ ടവറിന്റെ മൂന്നാം നിലയിൽ പ്രവർത്തനം തുടങ്ങി. പ്രസിഡന്റ്‌ അഡ്വ. മനോജ്‌ മാത്യുവിന്റെ അദ്ധ്യക്ഷതയിൽ നടന്ന സമ്മേളനം മാത്യു ടി.തോമസ് എം.എൽ.എ ഉദ്ഘാടനം ചെയ്തു. കോടതി ഹാളിന്റെ ഉദ്ഘാടനം പത്തനംതിട്ട ജില്ലാ ജഡ്ജ് എൻ. ഹരികുമാർ നിർവഹിച്ചു. തിരുവല്ല കുടുംബകോടതി ജഡ്ജ് ജി.ആർ. ബിൽകുൽ, സബ് ജഡ്ജ് വി. രാജീവ്, ബാർ അസോസിയേഷൻ സെക്രട്ടറി അഡ്വ.എ. രമേഷ്, ട്രഷറർ അഡ്വ. ആശിഷ് ഉമ്മൻ ജോർജ്, അഡ്വക്കേറ്റ് ക്ലാർക്ക്സ് അസോസിയേഷൻ പ്രസിഡന്റ്‌ റ്റി.സി. അനിൽകുമാർ എന്നിവർ സംസാരിച്ചു.