ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയനിലെ ആല മേഖലയിലുള്ള 6 ശാഖകൾ ചേർത്ത് ആല മേഖലാ കമ്മിറ്റി രൂപീകരിച്ചു. ചെങ്ങന്നൂർ യൂണിയൻ അഡ്മിനിസ്‌​ട്രേറ്റർ സുരേഷ് പരമേശ്വരന്റെ അദ്ധ്യക്ഷതയിൽ കൂടിയ യോഗത്തിൽ ആറ് ശാഖയെ പ്രതിനിധീകരിച്ച് മേഖലയുടെ ഭാരവാഹികളായി 71​ാം ആല ശാഖാ പ്രസിഡന്റ് പി.കെ.പുരുഷോത്തമൻ (ചെയർമാൻ) 1546​ാംആല നോർത്ത് ശാഖാ സെക്രട്ടറി ജയന്തി അശോകൻ (വൈസ് ചെയർപേഴ്‌​സൺ) 3638​ാം തിങ്കളാമുറ്റം ശാഖാ പ്രസിഡന്റ് സേതുനാഥപണിക്കർ (കൺവീനർ) 6190​ാം ചെങ്ങന്നൂർ സൗത്ത് ശാഖാ സെക്രട്ടറി സുനിൽ സി., (ജോ.കൺവീനർ) അഡ്മിനിസ്‌​ട്രേറ്റീവ് കമ്മിറ്റി അംഗങ്ങളായി 1848​ാം തുരുത്തിമേൽ ശാഖാ പ്രസിഡന്റ് കെ.പി.രവി, 4322​ാം ഡോ.പൽപ്പു ശാഖാ സെക്രട്ടറി സന്തോഷ് കുമാർ ടി.കെ. എന്നിവരെ തെരഞ്ഞെടുത്തു. വിവിധ മേഖലയെ പ്രതിനിധീകരിച്ച് ഓരോ ശാഖയിൽ നിന്നും തെരഞ്ഞെടുക്കപ്പെട്ട പ്രതിനിധികൾ മേഖലാ യോഗ രൂപീകരണത്തിന്റെ കാര്യങ്ങളെകുറിച്ച് വിശദീകരിച്ചു. തുടർന്ന് 1546​ാം ആല വടക്ക് ശാഖാ പ്രസിഡന്റ്പ്രസാദ് ഇ.എസ്.സ്വാഗതവും മേഖലാ കമ്മിറ്റി വൈസ് ചെയർപേഴ്‌​സൺ ജയന്തി അശോകൻ കൃതജ്ഞതയും പറഞ്ഞു.