അടൂർ : അപകടാവസ്ഥയിലായ പള്ളിക്കൽ മേക്കുന്നമുകൾ പാലം പൊതുമരാമത്ത് വകുപ്പ് ഉദ്യോഗസ്ഥർ പരിശോധന നടത്തി. 40 വർഷത്തിലേറെ പഴക്കമുള്ള പാലത്തിന്റെ സംരക്ഷണ ഭിത്തികൾ ബലമുള്ളതാണെങ്കിലും കോൺക്രീറ്റ് ഇളകി കമ്പികൾ തെളിഞ്ഞ നി​ലയി​ലാണ്. അപകടാവസ്ഥയി​ലായ പാലത്തെ കുറിച്ച് കഴി​ഞ്ഞ ദി​വസം കേരളകൗമുദി റി​പ്പോർട്ട് ചെയ്തതി​ന് പിന്നാലെയാണ് ഉദ്യോഗസ്ഥർ പരിശോധനയ്ക്കെത്തി​യത്. പഞ്ചായത്ത് അംഗം ജി.പ്രമോദ് പാലം അപകടത്തി​ലാണെന്ന് ചൂണ്ടി​ക്കാട്ടി​ പരാതി നൽകിയിരുന്നു. സ്വകാര്യ ബസുകളും സ്കൂൾ ബസുകളും ടോറസ് അടക്കമുള്ള വലി​യ വാഹനങ്ങളും ഇൗ പാലത്തി​ലൂടെ കടന്നുപോകാറുണ്ട്. പള്ളിക്കൽ പഞ്ചായത്തിലെ രണ്ട്, മൂന്ന് വാർഡുകളെ ബന്ധപ്പെടുത്തി​യാണ് പാലമുള്ളത്.

പാലം അപകടാവസ്ഥയി​ലാണ്. പുതിയ പാലം പണിയുവാനുള്ള

നടപടി​കളി​ലേക്ക് നീങ്ങും.

അനിതകുമാരി,

പൊതുമരാമത്ത് വകുപ്പ് ഓവർസിയർ