ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയനിലെ ബുധനൂർ മേഖലയിലുള്ള ആറ് ശാഖകൾ ചേർത്ത് ബുധനൂർ മേഖല കമ്മിറ്റി രൂപീകരിച്ചു. ചെങ്ങന്നൂർ യൂണിയൻ അഡ്മിനിസ്‌​ട്രേറ്റർ സുരേഷ് പരമേശ്വരന്റെ അദ്ധ്യക്ഷതയിൽ കൂടിയ യോഗത്തിൽ ആറ്ശാഖയെ പ്രതിനിധീകരിച്ച് മേഖലയുടെ ഭാരവാഹികളായി 646​ാം ഇലഞ്ഞിമേൽ ശാഖാ പ്രസിഡന്റ് പി.എസ്.ചന്ദ്രദാസ് (ചെയർമാൻ) 2819​ാം തോനയ്ക്കാട് ശാഖാ പ്രസിഡന്റ് പി.കെ.വിജയൻ (കൺവീനർ) 1827​ാം ബുധനൂർ കിഴക്ക് ശാഖാ പ്രസിഡന്റ് കെ.ആർ.മോഹനൻ (വൈസ് ചെയർമാൻ) 1608​ാം കടമ്പൂർ ശാഖാ പ്രസിഡന്റ് രജനി ദിനേശൻ (ജോ.കൺവീനർ) അഡ്മിനിസ്‌​ട്രേറ്റീവ് കമ്മിറ്റി അംഗങ്ങളായി 151​ാം പെരിങ്ങിലിപ്പുറം ശാഖാ സെക്രട്ടറി എം.ആർ.ഷാജി, 6189​ാംപുലിയൂർ വടക്ക് ശാഖാ സെക്രട്ടറി എ.കെ.ഗോപാലകൃഷ്ണൻ എന്നിവരെ തിരഞ്ഞെടുത്തു. വിവിധ മേഖലയെ പ്രതിനിധീകരിച്ച് ഓരോ ശാഖയിൽ നിന്ന് തിരഞ്ഞെടുക്കപ്പെട്ട പ്രതിനിധികൾ മേഖലാ യോഗ രൂപീകരണത്തിന്റെ കാര്യങ്ങളെകുറിച്ച് വിശദീകരിച്ചു. തുടർന്ന് മേഖലാ ചെയർമാൻ പി.എസ്.ചന്ദ്രദാസ് സ്വാഗതവും, വൈസ് ചെയർമാൻ കെ.ആർ.മോഹനൻ കൃതജ്ഞതയും പറഞ്ഞു.