അടൂർ: കാറും ബൈക്കും കൂട്ടിയിടിച്ച് ബൈക്ക് യാത്രികനായ ഹോം ഗാർഡിന്റെ കാലിന് ഗുരുതര പരിക്ക്. അടൂർ ട്രാഫിക് പൊലീസ് സ്റ്റേഷനിലെ ഹോംഗാർഡ് സതീഷ് ഉണ്ണിത്താനാണ് പരിക്കേറ്റത്. ഞായറാഴ്ച ഉച്ചയ്ക്ക് 1.45-ന് അടൂർ പാർത്ഥസാരഥി ക്ഷേത്രത്തിനു സമീപത്തായിരുന്നു അപകടം. പരിക്കേറ്റ സതീഷ് ഉണ്ണിത്താനെ അടൂർ ജനറൽ ആശുപത്രിയിൽ പ്രവേശിപ്പിച്ചെങ്കിലും പരിക്ക് ഗുരുതരമായതിനെ തുടർന്ന് വെഞ്ഞാറും മൂട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു.