ഇലവുംതിട്ട : പ്ലാന്തോട്ടത്ത് സരിഗ ഗ്രന്ഥശാലയും മെഴുവേലി ഗ്രാമപഞ്ചായത്ത് 11-ാം വാർഡ് എ.ഡി.എസും ചേർന്ന് കുട്ടികളുടെ ബോധവത്കരണ ക്ലാസ് സംഘടിപ്പിച്ചു. താലൂക്ക് ലൈബ്രറി കൗൺസിൽ അംഗം പി.ജെ.അജയകുമാർ അദ്ധ്യക്ഷനായിരുന്നു. പന്തളം ബ്ലോക്ക് പഞ്ചായത്ത് അംഗം ബി.എസ്.അനീഷ് മോൻ ഉദ്ഘാടനം ചെയ്തു. ഷാൻ രമേശ് ഗോപൻ ക്ലാസ് നയിച്ചു. ബ്ലോക്ക് പഞ്ചായത്തംഗം രജിത കുഞ്ഞുമോൻ, മുൻവാർഡ് അംഗം അനിത ഭാസ്‌ക്കർ, ജില്ലാ ലൈബ്രറി കൗൺസിൽ അംഗം അജീഷ്.പി, സെക്രട്ടറി ഷീജ മുരളി, ലൈബ്രേറിയൻ ലക്ഷ്മി ഗോപിനാഥൻ എന്നിവർ സംസാരിച്ചു.