മല്ലപ്പള്ളി : ടിപ്പർ മേഖലയിൽ ജോലി ചെയ്യുന്ന തൊഴിലാളികൾക്ക് ലേബർ കാർഡ് നൽകണമെന്ന് പത്തനംതിട്ട ജില്ലാ ഹെഡ് ലോഡ് ആൻഡ് ജനറൽ വർക്കേഴ്‌സ് കൗൺസിൽ (എ.ഐ.ടി.യു.സി) എഴുമറ്റൂർ മണ്ഡലം സമ്മേളനം ആവശ്യപ്പെട്ടു. എ.ഐ.ടി.യു.സി ജില്ലാ സെക്രട്ടറി ഡി.സജി ഉദ്ഘാടനം ചെയ്തു. മണ്ഡലം പ്രസിഡന്റ് ജെയിംസ് ജോൺ അദ്ധ്യക്ഷത വഹിച്ചു.മുതിർന്ന തൊഴിലാളികളെ ഹെഡ് ലോഡ് ആൻഡ് ജനറൽ വർക്കേഴ്‌സ് കൗൺസിൽ ജില്ലാ സെക്രട്ടറി ബെൻസി തോമസ് ആദരിച്ചു. സി.പി.ഐ എഴുമറ്റൂർ മണ്ഡലം സെക്രട്ടറി കെ.സതീശ്, എ.ഐ.ടി.യു.സി സംസ്ഥാന കമ്മിറ്റിയംഗം അനീഷ് ചുങ്കപ്പാറ,നവാസ്ഖാൻ, ഷിബു ലൂക്കോസ്, ഏബ്രഹാം തോമസ്,പി.പി സോമൻ, ബിജു ചെറുകോൽ, പി.എസ് ജോർജ് എന്നിവർ പ്രസംഗിച്ചു. ഭാരവാഹികളായി ജെയിംസ് ജോൺ (പ്രസിഡന്റ്), നവാസ് ഖാൻ (വൈസ് പ്രസിഡന്റ്), അനീഷ് ചുങ്കപ്പാറ (സെക്രട്ടറി), ഷിബു ലൂക്കോസ് (ജോയിന്റ് സെക്രട്ടറി), കെ.ആർ ശ്രീനിവാസൻ (ട്രഷറർ) എന്നിവരെ തിരഞ്ഞെടുത്തു.