പത്തനംതിട്ട: ഖാദർ കമ്മി​ഷൻ റിപ്പോർട്ട് തള്ളിക്കളയുക, ഏകപക്ഷീയമായ അക്കാദമിക് കലണ്ടർ പിൻവലിക്കുക, കുടിശികയായ മുഴുവൻ ആനുകൂല്യങ്ങളും അനുവദിക്കുക തുടങ്ങിയ ആവശ്യങ്ങൾ ഉന്നയിച്ച് ജില്ലാ​സംസ്ഥാന വ്യാപക സമരപരിപാടികൾ സംഘടിപ്പിക്കാൻ പൊതുവിദ്യാഭ്യാസ സംരക്ഷണ സമിതി തീരുമാനിച്ചു. ജില്ലാ ചെയർമാൻ ഫിലിപ്പ് ജോർജ് അദ്ധ്യക്ഷത വഹിച്ചു. സംസ്ഥാന കോ ​ഓർഡിനേറ്റർ അനിൽ എം ജോർജ് കൺവെൻഷൻ ഉദ്ഘാടനം ചെയ്തു. ഭാരവാഹികളായ എസ്.പ്രേം, പി.ചാന്ദിനി, ഹബീബ് മദനി,ഫ്രെഡി ഉമ്മൻ, വി.ജി കിഷോർ എന്നിവർ പ്രസംഗിച്ചു. നാളെ നടക്കുന്ന നിയമസഭാ മാർച്ചിൽ ജില്ലയിൽ നിന്ന് 200 അദ്ധ്യാപകർ പങ്കെടുക്കും.