പുനലൂർ: എസ്.എൻ.ഡി.പി യോഗം 3449-ാം നമ്പർ ആർ.ശങ്കർ മെമ്മോറിയൽ സ്മാരക ഇടമൺ -34 ശാഖയിൽ ഇക്കഴിഞ്ഞ എസ്.എസ്.എൽ.സി, പ്ലസ് ടൂ പരിക്ഷകളിൽ വിജയിച്ച വിദ്യാർത്ഥികളെ ആദരിക്കലും പഠനോപകരണ വിതരണവും ചികിത്സ ധനസഹായ വിതരണവും നടന്നു. പുനലൂർ യൂണിയൻ സെക്രട്ടറി ആർ.ഹരിദാസ് പരിപാടികൾ ഉദ്ഘാടനം ചെയ്തു. ശാഖ പ്രസിഡന്റ് ആർ.രാജേഷ് അദ്ധ്യക്ഷനായി. യോഗം അസി.സെക്രട്ടറി വനജ വിദ്യാധരൻ ചികിത്സാ ധനസഹായവും പഠനോപകരണ വിതരണവും നി‌ർവഹിച്ചു. വനിതാ സംഘം യൂണിയൻ സെക്രട്ടറി ഓമന പുഷ്പാംഗദൻ, ശാഖ വൈസ് പ്രസിഡന്റ് രാജൻ, സെക്രട്ടറി സജി, വനിതാസംഘം ശാഖ പ്രസിഡന്റ് വത്സലാ ഗോപാലകൃഷ്ണൻ, സെക്രട്ടറി ശ്യാമള തുളസിധരൻ ,ബാലൻ തുടങ്ങിയവർ സംസാരിച്ചു.