കൊല്ലം: ലോക പരിസ്ഥിതി ദിനാഘോഷത്തിന്റെ അമ്പതാം വാർഷികത്തോടനുബന്ധിച്ച് എസ്.എൻ.ഡി.പി.യോഗം കൊല്ലം യൂണിയൻ ഓഫീസിൽ നടന്ന യോഗം ബോർഡ് മെമ്പർ എ.ഡി. രമേഷ് ഉദ്ഘാടനം ചെയ്തു. വനിതാസംഘം കൊല്ലം യൂണിയൻ പ്രസിഡന്റ് ഡോ. സുലേഖ ഫലവൃക്ഷത്തൈകളുടെ വിതരണോദ്ഘാടനം നടത്തി. വനിതാസംഘം കൊല്ലം യൂണിയൻ സെക്രട്ടറി ഷീല
നളിനാക്ഷൻ മുഖ്യപ്രഭാഷണം നടത്തി. യൂണിയൻ മൈക്രോ ക്രെഡിറ്റ് കൺവീനർ ഡോ.മേഴ്‌സി ബാലചന്ദ്രൻ, വനിതാ സംഘം എക്സിക്യുട്ടീവ് കമ്മിറ്റി അംഗം ലാലി വിനോദിനി എന്നിവർ സംസാരിച്ചു. എക്സിക്യുട്ടിവ് കമ്മിറ്റി അംഗം ഗീത സുകുമാരൻ സ്വാഗതവും യൂണിയൻ വനിതാസംഘം വൈസ് പ്രസിഡന്റ് കുമാരി രാജേന്ദ്രൻ നന്ദിയും പറഞ്ഞു.