പുനലൂർ: അത്യാധുനിക സൗകര്യങ്ങളോടെ കുന്നിക്കോട് പുതിയതായി പണികഴിപ്പിച്ച പുനലൂർ സെന്റ്തോമസ് എച്ച്.എസ്.എസ് ആൻഡ് സീനിയർ സെക്കൻഡറി സ്കൂളിന്റെ സഹോദര സ്ഥാപനമായ സെന്റ് തോമസ് ഇന്റർനാഷണൽ സ്കൂൾ മന്ത്രി കെ.ബി.ഗണേഷ് കുമാർ നാടിന് സമർപ്പിച്ചു. സ്കൂൾ ചെയർമാൻ സന്തോഷ് കെ.തോമസ് അദ്ധ്യക്ഷനായി. വിളക്കുടി ഗ്രാമ പഞ്ചായത്ത് പ്രസിഡന്റ് ആർ.ശ്രീലേഖ മുഖ്യാഥിതിയായി. ബ്ലോക്ക് പഞ്ചായത്ത് അംഗം സി.സജീവൻ മുഖ്യപ്രഭാഷണം നടത്തി. തോംസിയൻ സ്വപ്നക്കൂട് പദ്ധതിയുടെ താക്കോൽ ദാനം ജില്ലാ പഞ്ചായത്ത് അംഗം അനന്തു പിള്ള നിർവഹിച്ചു. പുനലൂർ നഗരസഭ മുൻ ചെർമാൻമാരായ എം.എ.രാജഗോപാൽ, കെ.രാജശേഖരൻ, പ്രതിപക്ഷ നേതാവ് ജി.ജയപ്രകാശ്, നഗരസഭ കൗൺസിലർ ഷൈൻ ബാബു,വിളക്കുടി ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷൻ സി.വിജയൻ, വിദ്യാഭ്യാസ സ്ഥിരം സമിതി അദ്ധ്യക്ഷ സൗമ്യഫിലിപ്പ്, ഗ്രാമ പഞ്ചായത്ത് അംഗങ്ങളായ ഷാഹുൽ കുന്നിക്കോട്, ഷംനാദ്, എൻ.അനിൽകുമാർ, സുനിസുരേഷ്, ലീന സുരേഷ്, സ്കൂൾ മാനേജരും സീനിയർ പ്രിൻസിപ്പലുമായ ജേക്കബ് തോമസ്, ലില്ലിക്കുട്ടി, മുഹമ്മദ് അസ്ലാം, വി.എസ്.തോമസ്, ജിബിജേക്കബ്, എസ്.ശ്രീന തുടങ്ങിയവർ സംസാരിച്ചു.