പരവൂർ: പൂതക്കുളം- ഊന്നിൻമൂട് റോഡിൽ ബാങ്ക് ജംഗ്ഷനു സമീപം റോഡ് തകർന്നതോടെ, മഴ പെയ്താൽ കുണ്ടും കുഴിയും തിരിച്ചറിയാനാകാത്ത സ്ഥിതി. ഇരുചക്ര വാഹനയാത്രികർ ഇവി​ടെ അപകടത്തി​ൽപ്പെടുന്നതും പതി​വായി​. പരവൂരിൽനിന്ന് പുതക്കുളം, ഊന്നിൻമൂട്, വർക്കല, പാരിപ്പള്ളി ഭാഗങ്ങളിലേക്ക് നൂറുകണക്കിനു വാഹനങ്ങളാണ് ഇതുവഴി പോകുന്നത്

പൂതക്കുളം ഹയർ സെക്കൻഡറി സ്കൂൾ, ചെമ്പകശ്ശേരി സ്കൂൾ എന്നിവിടങ്ങളിലേക്ക് നി​രവധി​ വി​ദ്യാർത്ഥി​കൾ സൈക്കിളിൽ പോകുന്ന റോഡ് കൂടി​യാണി​ത്. ടാർ ചെയ്തിട്ട് അഞ്ചു വർഷത്തിലെറെയായി​. പൂതക്കുളം- ഊന്നിൻമൂട്, പൂതക്കുളം- ഇടയാടി, പൂതക്കുളം- പാരിപ്പള്ളി റോഡുകളുടെ നവീകരണത്തിന് 10 കോടി​ അനുവദി​ച്ചെങ്കി​ലും ടെൻഡർ നടപടികൾ ആരംഭിച്ചിട്ടില്ല. മഴ കനക്കുന്നതോടെ ദുരി​തം രൂക്ഷമാവും. കുഴികൾ മൂടി അപകടം ഒഴി​വാക്കണമെന്നാണ് നാടി​ന്റെ ആവശ്യം.

ഗതാഗതയോഗ്യമാക്കണം

പരവൂർ പൂതക്കുളം- ഊന്നിൻമൂട് റോഡി​ൽ അറ്റകുറ്റപ്പണി നടത്തണമെന്ന് കോൺഗ്രസ് പൂതക്കുളം സൗത്ത് മണ്ഡലം കമ്മിറ്റി ആവശ്യപ്പെട്ടു. മണ്ഡലം പ്രസിഡന്റ് കെ.സുനിൽകുമാർ അദ്ധ്യക്ഷത വഹിച്ചു. അനിൽകുമാർ, മനീഷ്, രാജീവൻ പിള്ള, സജീവ് ബാബു, സുരേന്ദ്രൻ പിള്ള, രാധാകൃഷ്ണപിള്ള, ശ്രീജിത്ത് തുടങ്ങിയവർ സംസാരിച്ചു.