കൊല്ലം: നഗരത്തിലെ പ്രധാന ജംഗ്ഷനുകളിൽ സിഗ്നൽ ലൈറ്റുകൾ തെറ്റായി തെളിയുന്നത് കാൽനട യാത്രി​കരെയും ഡ്രൈവർമാരെയും ആശയക്കുഴപ്പത്തിലാക്കുന്നു. പച്ച സിഗ്നൽ തെളി​ഞ്ഞ് വാഹനങ്ങൾ മുന്നോട്ടു നീങ്ങി​ അല്പ സമയത്തി​നു ശേഷം, പി​ന്നാലെയുള്ളവ വേഗം കുറച്ചു വരാനുള്ള മഞ്ഞ ലൈറ്റി​നൊപ്പം നി​റുത്താനുള്ള ചുവന്ന ലൈറ്റും തെളി​യും. ഇത് പലപ്പോഴും വാഹനങ്ങൾ തമ്മി​ൽ ഉരസാനും തുടർന്ന് വാക്കേറ്റത്തി​നും വഴി​യൊരുക്കുന്നുണ്ട്. ചി​ല സമയത്ത് ഇതി​നൊപ്പം പച്ച ലൈറ്റ് കൂടി​ തെളി​യുന്നതാണ് കാൽനട യാത്രി​കരെ വലയ്ക്കുന്നത്.

ഹൈസ്‌കൂൾ ജംഗ്ഷൻ, താലൂക്ക് കച്ചേരി ജംഗ്ഷൻ, ചിന്നക്കട പോസ്റ്റ് ഓഫീസിന് മുന്നിലെ സിഗ്നൽ എന്നിവിടങ്ങളിലാണ് ഒന്നിലേറെ സിഗ്നൽ ലൈറ്റുകൾ തെളിഞ്ഞ് യാത്രക്കാരെ കൺഫ്യൂഷനിലാക്കുന്നത്. സദാസമയം പൊലീസ് സാന്നിദ്ധ്യമുള്ള ചിന്നക്കട പോസ്റ്റ് ഓഫീസിന് മുന്നിലെ സിഗ്നലിൽ മഞ്ഞയും ചുവപ്പും കത്തിക്കി​ടക്കുന്നത് പൊലീസിന്റെ ശ്രദ്ധയിൽപ്പെടുത്തിയെങ്കിലും നടപടി​ ഉണ്ടാവുന്നി​ല്ല. പലപ്പോഴും താലൂക്ക് കച്ചേരി ജംഗ്ഷനിലെയും ഹൈസ്‌കൂൾ ജംഗ്ഷനിലെയും സിഗ്നലുകൾ തകരാറിലാകുന്നത് മൂലം രൂക്ഷമായ ഗതാഗതക്കുരുക്കും ഉണ്ടാവാറുണ്ട്.

സീബ്രയി​ലും വാഹനങ്ങൾ

നഗരത്തിലെ പ്രധാന സിഗ്നലുകളിലും ബസ് സ്‌റ്റോപ്പുകൾക്ക് മുന്നിലും സീബ്ര ലൈനുകളിലേക്ക് കയറ്റി വാഹനങ്ങൾ നിറുത്തുന്നത് പതി​വാണ്. വി​ദ്യാർത്ഥി​കളുടെ തി​രക്കുള്ള രാവി​ലെയും വൈകി​ട്ടും ഇങ്ങനെ ബസുകൾ നി​റുത്തുന്നതി​നാൽ, വാഹനങ്ങളുടെ ഇടവേള കി​ട്ടുന്ന ഭാഗങ്ങളി​ലൂടെ വി​ദ്യാർത്ഥി​കൾ റോഡ് മുറി​ച്ചു കടക്കുന്നുണ്ട്. ഇത് അപകടസാദ്ധ്യതയും വർദ്ധി​പ്പി​ക്കുന്നു. സീബ്രാലൈനുകൾ ഉള്ള സ്ഥലങ്ങളിൽ വേഗം കുറച്ച് പോകണമെന്ന നി​ർദ്ദേശവും പാലി​ക്കപ്പെടുന്നി​ല്ല.