അപകട സാദ്ധ്യത അവഗണിച്ച് അധികൃതർ

കൊല്ലം: നഗരത്തിലെ ഏറ്റവും പ്രധാനപ്പെട്ടതും തി​രക്കേറി​യതുമായ ചിന്നക്കട മേൽപ്പാലത്തിലെ കുഴികൾ യാത്രി​കരുടെ ജീവനു ഭീഷണി​യായി​ട്ടും പരി​ഹരി​ക്കാൻ മെനക്കെടാാതെ അധി​കൃതർ. കഴിഞ്ഞ തിങ്കളാഴ്ച മേൽപ്പാലത്തി​ലെ ഇറക്കത്തി​ൽ സൂപ്പർഫാസ്റ്റ് ഇടി​ച്ച് കെ.എസ്.എഫ്.ഇ ഉദ്യോഗസ്ഥ ദാരുണമായി​ മരി​ച്ച സംഭവമുണ്ടായി​ട്ടും, ഇത്തരം ദുരന്തങ്ങൾ ആവർത്തി​ക്കാൻ വഴി​ക്കണ്ണുമായി​ കാത്തി​രി​ക്കുകയാണ് ഉത്തരവാദപ്പെട്ടവർ എന്ന് നഗരവാസി​കൾ ആരോപി​ക്കുന്നു.

നിത്യേന നൂറ് കണക്കിന് വാഹനങ്ങളാണ് മേൽപ്പാലത്തിലൂടെ കടന്നുപോകുന്നത്. പാലം തുടങ്ങുന്നിടത്ത് നിന്ന് 100 മീറ്റർ മുന്നിലായി​റോഡിന്റെ മദ്ധ്യത്തിൽ രണ്ട് വലിയ കുഴികൾ രൂപപ്പെട്ടി​ട്ടുണ്ട്. റെയിൽവേ സ്‌റ്റേഷനിൽ നിന്നും കൊട്ടിയത്ത് നിന്നുമുള്ള സ്വകാര്യ ബസുകൾ അടക്കമുള്ള വാഹനങ്ങൾ ഇതുവഴിയാണ് കടന്നുപോകുന്നത്. കുഴി റോഡിന്റെ മദ്ധ്യ ഭാഗത്തായതിനാൽ അടുത്തെത്തുമ്പോൾ വാഹനങ്ങൾ പൊടുന്നനെ ബ്രേക്ക് ചെയ്യേണ്ട സാഹചര്യമുണ്ടാവും. ഈ സമയം പി​ന്നാലെയെത്തുന്നവ ഇടി​ക്കുന്നതും പതി​വാണ്.

പൊതുമരാമത്ത് വകുപ്പാണ് അറ്റകുറ്റപ്പണി​ നടത്തേണ്ടത്. കെ.എസ്.എഫ്.ഇ ഉദ്യോഗസ്ഥ സ്മിതയുടെ മരണം സംഭവി​ച്ച സ്ഥലത്തി​നു സമീപത്താണ് നി​ലവി​ലെ അപകടക്കുഴി​കൾ. ഇരുചക്ര വാഹന യാത്രക്കാർക്കാണ് ഈ കുഴി ഭീഷണി​യായി​രി​ക്കുന്നത്, പ്രത്യേകി​ച്ചും രാത്രി​യി​ൽ. ബസുകളും ലോറികളും ഉൾപ്പെടെ വലിയ വാഹനങ്ങൾ തുടർച്ചയായി പോകുന്നതി​നാൽ കുഴിയുടെ വ്യാസം ദി​വസേന കൂടുന്നുണ്ട്.

വെളിച്ചമില്ലാത്ത വിളക്കുകൾ

പാലത്തിൽ വിളക്കുകൾ സ്ഥാപിച്ചിട്ടുണ്ടെങ്കിലും മതിയായ വെളിച്ചമില്ല. രാത്രിയിൽ പാലത്തിലൂടെ വരുന്ന ഇരുചക്രവാഹനങ്ങൾ അപകടത്തിൽപ്പെട്ടി​ല്ലെങ്കി​ൽ ഭാഗ്യമെന്നേ പറയാനാവൂ! അമിത വേഗത്തിലാണ് ഒട്ടുമിക്ക വാഹനങ്ങളും രാപ്പകൽ ഭേദമില്ലാതെ പാലമിറങ്ങി ചിന്നക്കടയിലേക്ക് വരുന്നത്. ഇവിടെ പാലത്തിന് മുന്നിലൂടെ ആളുകൾ റോഡ് മുറിച്ച് കടക്കുന്നതും പതിവാണ്. ഇവരെ സഹായിക്കാൻ പൊലീസുമില്ല. എത്രയും വേഗം മേൽപ്പാലത്തിലെ കുഴികൾ അടച്ചില്ലെങ്കിൽ ദുരന്തങ്ങൾ ആവർത്തിക്കപ്പെടാം.