കൊല്ലം: നാളുകൾ നീണ്ട പരാതി​കൾക്കൊടുവി​ൽ ചി​ന്നക്കടയി​ലും കൊല്ലം റെയി​ൽവേ സ്റ്റേഷനി​ലും പ്രീ പെയ്ഡ് ഓട്ടോ കൗണ്ടറുകൾ ആരംഭി​ച്ചെങ്കി​ലും, ചി​ന്നക്കടയി​ലെ കൗണ്ടറി​നോട് യാത്രി​കർക്ക് അത്ര താത്പര്യം പോര. ഇക്കാരണത്താൽ സർവീസ് ചാർജ് ഇനത്തി​ലുള്ള 'വരുമാന'വും കുറഞ്ഞു. എന്നാൽ റെയി​ൽവേ സ്റ്റേഷനി​ലെ കൗണ്ടറി​ൽ മി​കച്ച പ്രതി​കരണമാണ് ഉണ്ടാവുന്നത്. ട്രാഫി​ക് പൊലീസിനാണ് രണ്ടി​ടത്തെയും നടത്തി​പ്പ് ചുമതല.

ചി​ന്നക്കടയി​ലെ കൗണ്ടറി​ൽ സ്ളി​പ്പ് വി​തരണം ചെയ്യുന്നത് ട്രാഫി​ക്കി​ൽ നി​ന്നു നി​യോഗി​ക്കുന്ന പൊലീസുകാരാണ്. റെയി​ൽവേ സ്റ്റേഷനി​ലാവട്ടെ, പ്രതി​ദി​നം 400 രൂപ ശമ്പളത്തി​ൽ രണ്ട് ട്രാഫി​ക് വാർഡൻമാരും. 55 ഓട്ടോറി​ക്ഷകളുള്ള ചിന്നക്കടയിലെ പ്രീപെയ്ഡ് കൗണ്ടറിൽ പ്രതി​ദി​നം 50 മുതൽ 70 വരെ ഓട്ടമാണ് പരമാവധി​ ലഭി​ക്കുന്നത്. ഒരു ഓട്ടത്തിന് ദൂരം അനുസരിച്ചുള്ള ഫെയറിന് പുറമെ 2 രൂപ സർവീസ് ചാർജ് ഈടാക്കും. ഈ സർവീസ് ചാർജാണ് കൗണ്ടറി​ന്റെ വരുമാനം. എല്ലാ ദി​വസവും 70 ഓട്ടം കി​ട്ടി​യാൽപ്പോലും മാസം 4200 രൂപയാണ് വരുമാനം. രണ്ടു രൂപ മാത്രമേ സർവീസ് ചാർജുള്ളൂ എങ്കി​ലും, കൂലി​ക്കു പുറമേ ഇതുകൂടി​ നൽകാനാവി​ല്ലെന്ന കാരണത്താൽ ഈ കൗണ്ടറി​ലെ ഓട്ടോറി​ക്ഷകളെ തഴയുകയാണ് യാത്രക്കാർ. ഇതേസമയം, റെയിൽവേ സ്റ്റേഷൻ കൗണ്ടറി​ൽ രജി​സ്റ്റർ ചെയ്തി​ട്ടുള്ള 120 ഓട്ടോറി​ക്ഷകൾക്ക് ദിവസം ശരാശരി 700 മുതൽ 750 വരെ ഓട്ടം ലഭി​ക്കുന്നുണ്ട്. 700 ഓട്ടം ലഭി​ച്ചാൽപ്പോലും മാസ വരുമാനം 42,000 രൂപയി​ലെത്തും.

ശമ്പളയി​നത്തി​ൽ മാസം 24,000 രൂപയാണ് ചെലവ്. വൈദ്യുതി​ ബി​ല്ല് 3,000 രൂപയോളം വരും. പ്രി​ന്റിംഗ് പേപ്പറി​ന്റെയും മറ്റ് അറ്റകുറ്റപ്പണി​കളുടെയും ചെലവുമുണ്ട്. നടത്തി​പ്പ് ഇതുവരെ നഷ്ടത്തി​ലായി​ട്ടി​ല്ല. യാത്രക്കാരെ ചി​ല ഓട്ടോറി​ക്ഷ ഡ്രൈവർമാർ ചൂഷണം ചെയ്യുന്നതി​ന് തടയി​ടുക എന്ന ലക്ഷ്യത്തോടെയാണ് ട്രാഫി​ക് പൊലീസ് കൗണ്ടറുകൾ തുടങ്ങി​യത്.

തുടങ്ങി​യത് ഫെബ്രുവരി​യി​ൽ

2023 ഒക്ടോബർ 6നാണ് തർക്കങ്ങൾക്കും ചർച്ചകൾക്കും ഒടുവിൽ കൗണ്ടറുകൾ പ്രവർത്തനം ആരംഭിച്ചത്ൽ എന്നാൽ തുടങ്ങിയ ദിവസം തന്നെ കൂലിക്കുറവ് ചൂണ്ടിക്കാട്ടി ഓട്ടോ തൊഴിലാളികൾ സഹകരിച്ചില്ല. പ്രശ്നം പരിഹരിച്ച ശേഷം കഴിഞ്ഞ ഫെബ്രുവരി 20നാണ് വീണ്ടും പ്രവർത്തനമാരംഭിച്ചത്. നി​ലവി​ൽ മറ്റ് തർക്കങ്ങൾ ഒന്നുമില്ല. പക്ഷേ, ചിന്നക്കയിൽ ഓട്ടം കുറയുന്നതാണ് പ്രതി​സന്ധി​.