തൊ​ടി​യൂർ: മാ​ളി​യേ​ക്കൽ മേ​ൽപ്പാ​ലം എ​ന്ന സ്വ​പ്‌​നം യാ​ഥാർ​ത്ഥ്യ​മാ​കു​ന്നു. പ​ണി​കൾ അ​വ​സാ​ന ഘ​ട്ട​ത്തി​ലേ​ക്ക് ക​ട​ന്നു. പെ​യിന്റിം​ഗ് വർ​ക്കു​കൾ ആ​രം​ഭി​ച്ചു ക​ഴി​ഞ്ഞു. സോ​ളാർ പാ​ന​ലു​ക​ളും ലൈ​റ്റു​ക​ളും സ്ഥാ​പി​ച്ചു. 547 മീ​റ്റർ നീ​ള​വും 10.15 മീ​റ്റർ വീ​തി​യു​മു​ള്ള മേൽപ്പാ​ല​ത്തിൽ റെ​യിൽ​വേ ലൈ​നി​ന് മീ​തേ​യു​ള്ള 52 മീ​റ്റർ പ​ണി റെ​യിൽ​വേ​യു​ടെ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​ണ് ന​ട​ന്ന​ത്. അ​വ​ശേ​ഷി​ച്ചി​രു​ന്നത് ഫി​നി​ഷിം​ഗ്​ കോൺ​ക്രീ​റ്റിം​ഗ് ആ​യി​രു​ന്നു. ഇ​ത് ക​ഴി​ഞ്ഞ ദി​വ​സം പൂർ​ത്തി​യാ​യി. 15 ദി​വ​സ​ങ്ങൾ​ക്ക് ശേ​ഷ​മേ വാ​ഹ​ന ഗ​താ​ഗ​ത്തി​ന് തു​റ​ന്നു നൽ​കാ​നാ​വു. അ​പ്പോ​ഴേ​ക്കും ഫു​ട്​ പാ​ത്തി​ന്റെ​യും കൈ​വ​രി​യു​ടെ​യും ശേ​ഷി​ക്കു​ന്ന ജോ​ലി​കൾ പൂർ​ത്തി​യാ​ക്കാൻ ക​ഴി​യുമെന്നാ​ണ് ബ​ന്ധ​പ്പെ​ട്ട​വർ പ​റ​യു​ന്ന​ത്.

ഉടൻ തുറന്ന് നൽകും
പാ​ല​ത്തി​ന്റെ ഉ​പ​രി​ത​ല ജോ​ലി​കൾ പൂർ​ത്തി​യാ​കു​ന്ന മു​റ​യ്​ക്ക് ഗ​താ​ഗ​ത​ത്തി​ന് തു​റ​ന്നു നൽ​കി​യേ​ക്കും. ര​ണ്ടാ​ഴ്​ച​ക്ക​കം ഇ​ത് പൂർ​ത്തി​യാ​ക്കാൻ ക​ഴി​യു​മെ​ന്നാ​ണ് ക​ണ​ക്കു​കൂ​ട്ടൽ.
പാ​ല​ത്തി​ന്റെ​ താ​ഴ്‌ വ​ശ​ത്തെ പ​ണി​കൾ പി​ന്നാ​ലെ ചെ​യ്​തു തീർ​ക്കാൻ ത​ട​സ​മി​ല്ല.ഇ​വി​ടെ ടൈൽ​സ് പാ​കി മ​നോ​ഹ​ര​മാ​ക്കും. സർ​വീസ് റോ​ഡി​ന്റെ വ​ശ​ത്തെ ഓ​ട നിർ​മ്മാ​ണ​വും പൂർ​ത്തീ​ക​രി​ക്കാ​നു​ണ്ട്. എ​ത്ര​യും വേ​ഗം മേ​ൽ​പാ​ലം ഗ​താ​ഗ​ത​ത്തി​ന് തു​റ​ന്നു കി​ട്ടു​മെ​ന്നാ​ണ് നാ​ട്ടു​കാ​രു​ടെ പ്ര​തീ​ക്ഷ.

നിർ​മ്മാ​ണോ​ദ്​ഘാ​ട​നം മു​ഖ്യ​മ​ന്ത്രി

ജി​ല്ല​യു​ടെ കി​ഴ​ക്കൻ മേ​ഖ​ല​ക​ളാ​യ പു​ന​ലൂർ, കൊ​ട്ടാ​ര​ക്ക​ര, അ​ഞ്ചൽ, ആ​യൂർ, ഓ​യൂർ തു​ട​ങ്ങി​യ സ്ഥ​ല​ങ്ങ​ളിൽ നി​ന്ന് ക​രു​നാ​ഗ​പ്പ​ള്ളി​യിൽ എ​ത്തേ​ണ്ട​വർ​ക്കുൾ​പ്പ​ടെ ഈ മേ​ൽപ്പാ​ലം അ​നു​ഗ്ര​ഹ​മാ​ണ്. 2021 ജ​നു​വ​രി 23​നാ​ണ് മേ​ൽപ്പാ​ല​ത്തി​ന്റെ നിർ​മ്മാ​ണോ​ദ്​ഘാ​ട​നം മു​ഖ്യ​മ​ന്ത്രി പി​ണ​റാ​യി വി​ജ​യൻ നിർ​വ​ഹി​ച്ച​ത് .