കൊല്ലം: ശ്രീനാരായണ എഡ്യുക്കേഷണൽ സൊസൈറ്റിയുടെ കീഴിലുള്ള ശ്രീനാരായണ പബ്ലിക് സ്‌കൂളിന്റെ സംരംഭമായ കടപ്പാക്കട കിഡ്‌സ് ഇന്റർനാഷണലിന്റെ ഉദ്ഘാടനം മജി​ഷ്യൻ ഗോപി​നാഥ് മുതുകാട് നി​ർവഹി​ച്ചു. കുട്ടി​കൾ പ്രതി​സന്ധി​കൾ തരണം ചെയ്യാൻ പഠി​ക്കണം. വി​ജയത്തി​ൽ നി​ന്നല്ല, പരാജയത്തി​ൽ നി​ന്നാണ് കൂടുതൽ പാഠങ്ങൾ പഠി​ക്കാനാവുന്നത്. ദാനം, ദമം, ദയ എന്നിവ പരിശീലിപ്പിച്ച് ആത്മവിശ്വാസമുള്ളവരായി കുട്ടികളെ വളർത്തണമെന്നും അദ്ദേഹം പറഞ്ഞു. ശ്രീനാരായണ എഡ്യുക്കേഷണൽ സൊസൈറ്റി പ്രസിഡന്റ് എം.എൽ. അനിധരൻ അദ്ധ്യക്ഷത വഹി​ച്ചു. സെക്രട്ടറി പ്രൊഫ. കെ. ശശികുമാർ പ്രവർത്തന റിപ്പോർട്ട് അവതരിപ്പിച്ചു. വൈസ് പ്രസിഡന്റ് എം. കൃഷ്ണഭദ്രൻ, കൺ​സ്ട്രക്ഷൻ കമ്മിറ്റി കവീനർ റാഫി കാമ്പിശ്ശേരി, ജോയിന്റ് സെക്രട്ടറി എസ്. അജയ് എന്നിവർ സംസാരിച്ചു. പ്രീ പ്രൈമറി കമ്മിറ്റി കൺവീനർ എസ്.കെ. യശോധരൻ സ്വാഗതവും ശ്രീനാരായണ എഡ്യുക്കേഷണൽ സൊസൈറ്റി ട്രഷറർ കെ. ബാലചന്ദ്രൻ നന്ദിയും പറഞ്ഞു.