അഞ്ചൽ: സി.കേശവൻ സ്മാരക സമിതിയുടെ ആഭിമുഖ്യത്തിൽ പ്രതിഭാ സംഗമവും അവാർഡ് ദാനവും നാളെ നടക്കും. വൈകിട്ട് 3.30 മുതൽ ശബരിഗിരി ശാന്തി കേന്ദ്രത്തിൽ നടക്കുന്ന പ്രതിഭാസംഗമം ഉദ്ഘാടനം സമിതി രക്ഷാധികാരിയും മുൻ മന്ത്രിയുമായ അഡ്വ.കെ.രാജു നിർവഹിക്കും. ശബരിഗിരി ഗ്രൂപ്പ് ചെയർമാൻ ഡോ.വി.കെ.ജയകുമാർ അദ്ധ്യക്ഷനാകും. ഗാന്ധിഭവൻ ഡയറക്ടർ ഡോ.പുനലൂർ സോമരാജൻ അനുഗ്രഹ പ്രഭാഷണം നടത്തും. കേരള കൗമുദി റസിഡന്റ് എഡിറ്ററും കൊല്ലം യൂണിറ്റ് ചീഫുമായ എസ്.രാധാകൃഷ്ണൻ മുഖ്യാതിഥിയായിരിക്കും. അഞ്ചൽ സെന്റ് ജോൺസ് കോളേജ് മുൻ പ്രിൻസിപ്പൽ ഡോ.കെ.വി.തോമസ് കുട്ടി മുഖ്യ പ്രഭാഷണം നടത്തും. കേരള വ്യാപാരി വ്യവസായി ഏകോപനസമിതി ജില്ലാ പ്രസിഡന്റ് എസ്.ദേവരാജൻ, ആനന്ദഭവൻ സെൻട്രൽ സ്കൂൾ ചെയർമാൻ അഡ്വ. ജി.സുരേന്ദ്രൻ, രചന ഗ്രാനൈറ്റ്സ് എം.ഡിയും എസ്.എൻ ട്രസ്റ്റ് ബോർഡ് മെമ്പറുമായ യശോധരൻ രചന, സി.പി.ഐ സംസ്ഥാന കൗൺസിൽ അംഗം അഡ്വ.ആർ.സജിലാൽ, ഏരൂർ ഗ്രാമപഞ്ചായത്ത് മുൻ പ്രസിഡന്റ് ടി.അജയൻ, വിശ്വഭാരതി കോളേജ് പ്രിൻസിപ്പൽ എ.ജെ.പ്രതീപ്, അഞ്ചൽ സർവീസ് സഹകരണ ബാങ്ക് പ്രസിഡന്റ് അഡ്വ.എസ്.സൂരജ്, അഞ്ചൽ ലയൺസ് ക്ലബ് പ്രസിഡന്റ് ടോണി മാത്യു ജോൺ, ഡോ. അഞ്ചൽ ബി.ദേവരാജൻ നായർ, രാജേന്ദ്രൻ സ്വാമി അഞ്ചൽ, അഞ്ചൽ ഗോപൻ, ബി.മുരളി, അഞ്ചൽ ജഗദീശൻ എന്നിവർ സംസാരിക്കും. സമിതി പ്രസിഡന്റ് അനീഷ് കെ.അയിലറ സ്വാഗതവും സമിതി എക്സിക്യുട്ടീവ് മെമ്പർ അശോകൻ കുരുവിക്കോണം നന്ദിയും പറയും.