കൊല്ലം: ജില്ലയിൽ 2023 ഡിസംബർ 31 വരെ സാമൂഹ്യ / ക്ഷേമനിധി പെൻഷൻ അനുവദിക്കപ്പെട്ട ഗുണഭോക്താക്കൾ ഇന്ന് മുതൽ ആഗസ്റ്റ് 24 നകം വാർഷിക മസ്റ്ററിംഗ് അക്ഷയ കേന്ദ്രങ്ങൾ മുഖേന പൂർത്തീകരിക്കണമെന്ന് കളക്ടർ എൻ. ദേവിദാസ് അറിയിച്ചു.

കിടപ്പ് രോഗികളായ പെൻഷൻ ഗുണഭോക്താക്കൾ അതാത് തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാരെ അറിയിക്കണം. കിടപ്പ് രോഗികളായ പെൻഷൻ ഗുണഭോക്താക്കളുടെ മസ്റ്ററിംഗ് അക്ഷയകേന്ദ്രം ജീവനക്കാർ വീടുകളിലെത്തി പൂർത്തീകരിക്കും. അക്ഷയ കേന്ദ്രങ്ങളിലെത്തി മസ്റ്ററിംഗ് ചെയ്യുന്നതിന് 30 രൂപയും വീടുകളിലെത്തി മസ്റ്ററിംഗ് ചെയ്യുന്നതിന് 50 രൂപയും ഫീസായി നിശ്ചയിച്ചിട്ടുണ്ട്.