പരവൂർ: പരവൂർ നഗരസഭ പരി​ധി​യി​ലെ ദയാബ്ജി ജംഗ്ഷൻ, പരവൂർ ജംഗ്ഷൻ, തെക്കുംഭാഗം പുത്തൂർ പാലത്തിനു സമീപം എന്നി​വി​ടങ്ങളി​ൽ അനധി​കൃത മത്സ്യക്കച്ചവടം വർദ്ധി​ച്ചി​ട്ടും നടപടി​യെടുക്കാതെ അധി​കൃതർ.

ദയാബ്ജി ജംഗ്ഷനി​ൽ വീടുകൾക്ക് മുന്നിലാണ് കച്ചവടം. പുത്തൂർ പാലത്തിനു സമീപം റോഡിന്റെ വശങ്ങളും ബസ് കാത്തിരി​പ്പ് കേന്ദ്രവും വിൽപ്പനയ്ക്കുള്ള ഇടങ്ങളായി​. ബസ് കാത്തിരി​പ്പ് കേന്ദ്രം ഉപയോഗിക്കാനാകാതെ യാത്രക്കാർ പുറത്തു നിൽക്കേണ്ട സ്ഥിതിയായി. മലിന ജലവും അവശിഷ്ടങ്ങളും മാലിന്യ പ്രശ്നവും സൃഷ്ടി​ക്കുന്നുണ്ട്. പരവൂരിലെ മത്സ്യച്ചന്ത നടത്തിപ്പിന് നഗരസഭ ലേലം വി​ളി​ച്ചാലും ആരും എത്താറി​ല്ല. അഥവാ ആരെങ്കി​ലും ലേലം പി​ടി​ച്ചാൽ, വഴി​യോരക്കച്ചവടങ്ങൾ നി​യന്ത്രി​ക്കാത്തതി​നാൽ ഇവർക്ക് വൻ നഷ്ടവുമുണ്ടാവും.

മത്സര ടെണ്ടർ നടക്കാത്തതിനാൽ ലക്ഷങ്ങളുടെ നഷ്ടമാണ് നഗരസഭയ്ക്ക് ഉണ്ടാകുന്നത്. അനധികൃത വിൽപ്പനയ്‌ക്കെതിരെ ഉദ്യോഗസ്ഥർ നോട്ടീസ് നൽകിയാലും തുടർ നടപടികൾ ഉണ്ടാകാറില്ല.